Wednesday, November 18, 2026
18.2 C
Odisha

    ମିଶାଇଲ ତିଆରି କରିବାର ସ୍ବପ୍ନ ଦେଖୁଛନ୍ତି କି, ଜାଣନ୍ତୁ କେମିତି କରିବେ କ୍ୟାରିୟର

    ଆଗକୁ ପଢନ୍ତୁ

    ନୂଆଦିଲ୍ଲୀ: ବର୍ତ୍ତମାନ ଟିଭି ଚ୍ୟାନେଲ ହେଉ କି ଖବରକାଗଜ ଆପଣ ତ ମିଶାଇଲ ବା କ୍ଷେପଣାସ୍ତ୍ରକୁ ନେଇ ଅନେକ ଖବର ଦେଖୁଥିବେ | ତେବେ ଆପଣଙ୍କ ମୁଣ୍ଡକୁ କେବେ ଏହି ପ୍ରଶ୍ନ ଆସିଛି କି ମିଶାଇଲ କେମିତି ତିଆରି ହୁଏ ଓ ଆପଣ ବି କ୍ଷେପଣାସ୍ତ୍ର ତିଆରି କରିପାରିବେ କି? ବାସ୍ତବରେ  ଦେଶର ସୁରକ୍ଷାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଥିବା କ୍ଷେପଣାସ୍ତ୍ରଗୁଡ଼ିକ ଆଉ କେବଳ ଫିଲ୍ମ ଏବଂ ଯୁଦ୍ଧ ଖବର ପର୍ଯ୍ୟନ୍ତ ସୀମିତ ନୁହେଁ। ଯଦି ଆପଣ ମଧ୍ୟ ଭାବୁଛନ୍ତି ଯେ ଗୋଟିଏ ଦିନ ଆପଣ ବି କ୍ଷେପଣାସ୍ତ୍ର ତିଆରି କରିବେ, ତେବେ ଆଜି ଆମେ ଆପଣଙ୍କୁ ଏହାର ରାସ୍ତା ବାବଦରେ ସୂଚନା ଦେବୁ |

    କିନ୍ତୁ ଏଥିପାଇଁ ଆପଣଙ୍କୁ ସଠିକ୍ ପାଠ୍ୟକ୍ରମ ଜାଣିବା ଏବଂ ଅଧ୍ୟୟନ କରିବା ଉଚିତ। ଅନେକ ଛାତ୍ର ଅଛନ୍ତି ଯେଉଁମାନେ କ୍ଷେପଣାସ୍ତ୍ର ପ୍ରଯୁକ୍ତିବିଦ୍ୟାରେ କ୍ୟାରିଅର କରିବାକୁ ଚାହାଁନ୍ତି, କିନ୍ତୁ ସେମାନେ ଉପାୟ ଜାଣନ୍ତି ନାହିଁ। ଆସନ୍ତୁ ଆମେ ଆଜି ଆପଣଙ୍କୁ କହିବୁ ଯେ କ୍ଷେପଣାସ୍ତ୍ର ତିଆରି ପାଇଁ କେଉଁ ପାଠ୍ୟକ୍ରମ ପଢିବାକୁ ପଡିବ ଏବଂ କେଉଁଠାରେ ଅଧ୍ୟୟନ କରିବାକୁ ପଡିବ।

    କ୍ଷେପଣାସ୍ତ୍ର ତିଆରି ପାଇଁ କେଉଁ ପାଠ୍ୟକ୍ରମ ପଢିବାକୁ ପଡିବ?
    କ୍ଷେପଣାସ୍ତ୍ର ଡିଜାଇନ୍, ବିକାଶ ଏବଂ ପ୍ରଯୁକ୍ତିବିଦ୍ୟାରେ କ୍ୟାରିଅର ଗଢ଼ିବା ପାଇଁ ଏରୋସ୍ପେସ୍ ଇଞ୍ଜିନିୟରିଂ କିମ୍ବା ମେକାଟ୍ରୋନିକ୍ସ ଇଞ୍ଜିନିୟରିଂକୁ ସର୍ବୋତ୍ତମ ପାଠ୍ୟକ୍ରମ ବୋଲି ବିବେଚନା କରାଯାଏ। ଏହା ବ୍ୟତୀତ, ମେକାନିକାଲ୍ ଇଞ୍ଜିନିୟରିଂ, ଇଲେକ୍ଟ୍ରୋନିକ୍ସ ଆଣ୍ଡ କମ୍ୟୁନିକେସନ ଏବଂ ରକେଟ୍ ପ୍ରପଲ୍ସନ୍ ସହ ଜଡିତ ବିଶେଷ ପାଠ୍ୟକ୍ରମଗୁଡ଼ିକ ମଧ୍ୟ ଆପଣଙ୍କୁ କ୍ଷେପଣାସ୍ତ୍ର ପ୍ରଯୁକ୍ତିବିଦ୍ୟାରେ ସାହାଯ୍ୟ କରିପାରିବ।

    କେଉଁଠାରୁ ପଢ଼ିବେ?
    ଆପଣ ଆଇଆଇଟି ବମ୍ବେ, ଆଇଆଇଟି କାନପୁର, ଆଇଆଇଟି ମାଡ୍ରାସ, IIST (ଭାରତୀୟ ଅନ୍ତରୀକ୍ଷ ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା ପ୍ରତିଷ୍ଠାନ), ବିଟସ ପିଲାନି, ଆଇଆଇଆଇଟି ହାଇଦ୍ରାବାଦରୁ ପଢିପାରିବେ | ଏହି ପ୍ରତିଷ୍ଠାନଗୁଡ଼ିକରୁ ପଢ଼ିବା ପରେ, ଆପଣ ଇସ୍ରୋ, ଡିଆରଡିଓ, ହାଲ, ଭେଲ କିମ୍ବା ଘରୋଇ ପ୍ରତିରକ୍ଷା କମ୍ପାନୀଗୁଡ଼ିକରେ କାମ କରିପାରିବେ।

    ଯୋଗ୍ୟତା କ’ଣ?
    ଯଦି ଆପଣ ଏରୋସ୍ପେସ୍ କିମ୍ବା କ୍ଷେପଣାସ୍ତ୍ର ପ୍ରଯୁକ୍ତିବିଦ୍ୟା ସହିତ ଜଡିତ ପାଠ୍ୟକ୍ରମ କରିବାକୁ ଚାହାଁନ୍ତି, ତେବେ ଦ୍ୱାଦଶରେ ପଦାର୍ଥ ବିଜ୍ଞାନ, ରସାୟନ ଏବଂ ଗଣିତ (PCM) ଆବଶ୍ୟକ। ଏହା ପରେ, ଆପଣ ଜେଇଇ ଭଳି ପରୀକ୍ଷା ଦେଇ ଶ୍ରେଷ୍ଠ ଇଞ୍ଜିନିୟରିଂ କଲେଜଗୁଡ଼ିକରେ ପ୍ରବେଶ କରିପାରିବେ।

    ଅନ୍ୟାନ୍ୟ ଖବର

    ପାଣିପାଗ

    Odisha
    broken clouds
    18.2 ° C
    18.2 °
    18.2 °
    83 %
    0.4kmh
    57 %
    Wed
    26 °
    Thu
    19 °
    Fri
    19 °
    Sat
    22 °
    Sun
    28 °

    ସମ୍ବନ୍ଧିତ