ଭୁବନେଶ୍ୱର : ଧରାପଡ଼ିଲା ଚୋରି ମୋବାଇଲର ଚୋରା ନେଟୱର୍କ । ୩୦ରୁ ଅଧିକ ସ୍ମାର୍ଟ ଫୋନ ସହ ତିନି ଜଣଙ୍କୁ ଗିରଫ କରିଛି ପୋଲିସ । ରାଜଧାନୀରେ ଚୋରି ମୋବାଇଲର ପାର୍ଟ୍ସ ବିକ୍ରି ଦୋକାନ । ସାମ୍ନାକୁ ଆସିଛି ଚୋରି ମୋବାଇଲ ପାର୍ଟସ ବିକ୍ରିର ଚୋର ମାର୍କେଟ । ଛିନତାଇ ଗ୍ୟାଙ୍ଗ ଠୁ କିଣୁଥିଲେ ମୋବାଇଲ ଫୋନ । ଚୋରି ମୋବାଇଲର ପାର୍ଟସକୁ କାଢ଼ି ମୋବାଇଲ ରିପାୟର ଦୋକାନରେ ହେଉଥିଲା ବେପାର ।
ଦୁଇ ହଜାର ଟଙ୍କାରେ ମୋବାଇଲ କିଣି ବଜାରରେ ୧୦ରୁ ୧୫ହଜାର ପର୍ଯନ୍ତ ମୁନାଫା କରୁଥିଲେ ଦୋକାନୀ । ଏମିତି ଏକ ରାକେଟକୁ ଠାବ କରିଛି ପୋଲିସ । ଯେକି ଛିନତାଇ ଗ୍ୟାଙ୍ଗକୁ ଦେଉଥିଲା ପ୍ରଶୟ । ଚୋରି ମୋବାଇଲରୁ ପାର୍ଟସ କାଢ଼ି ବଜାରରେ କରୁଥିଲା ବିକ୍ରି । ନୟାପଲ୍ଲୀ ଭୋଇ ସାହିର ଏକ ସେକେଣ୍ଡ ହ୍ୟାଣ୍ଡ ଦୋକାନରେ ଚାଲୁଥିଲା କାରବାର । ମୋବାଇଲ ଦୋକାନୀକୁ ଗିରଫ ସହ ଏହି ଛିନତାଇ ରାକେଟର ପର୍ଦ୍ଦାଫାସ କରିଛି କମିଶନରେଟ୍ ପୋଲିସ ।
