ଉମରକୋଟ : ମାଡ଼ ମାରି ଲହୁଲୁହାଣ କରି ଲୁଟିନେଲେ ଟଙ୍କା ଓ ସୁନା । ନବରଙ୍ଗପୁର ଜିଲ୍ଲା ଉମରକୋଟ ଜମାଇ କଲୋନୀର ତାରକ ହାଲଦାରଙ୍କ ଘରେ ଲୁଟ୍ ହୋଇଛି । ରାତି ଅଧରେ ମୁହଁରେ କଳା କପଡା ବାନ୍ଧି ଆସିଥିଲେ ଲୁଟେରା। କବାଟ ଭାଙ୍ଗିବା ସହ ତାରକଙ୍କୁ ଫାର୍ଶାରେ ଆକ୍ରମଣ କରିଥିଲେ। ଫଳରେ ତାରକ ଗୁରୁତର ଅବସ୍ଥାରେ ସେମାନଙ୍କ ସମ୍ମୁଖରେ ପଡି ରହିଥିଲେ । ତଥାପି ସେମାନେ ତାରକଙ୍କୁ ଛାଡି ନଥିଲେ। ମାଡ଼ ମାରିବା ସହ ଟଙ୍କା, ମୋବାଇଲ ଓ ସୁନାଗହଣା ନେଇଯାଇଛନ୍ତି। ତାରକଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଛି।
