ଚେନ୍ନାଇ : ଜୁଡ୍ଡାଲୋର ଜିଲ୍ଲାରେ ହେବାକୁ ଥିବା ନିର୍ବାଚନ ରାଲିକୁ ସୁରକ୍ଷା ଦୃଷ୍ଟିରୁ ରଦ୍ଦ କରିଛନ୍ତି ଅଭିନେତାରୁ ନେତା ପାଲଟିଥିବା ବିଜୟ। ଦ୍ବିପ୍ରହର ୨ଟାରେ ଏହି ନିର୍ବାଚନ ରାଲି କାର୍ଯ୍ୟକ୍ରମ ଥିବାବେଳେ ଜିଲ୍ଲାର ଅନେକ ସ୍ଥାନରେ ପ୍ରଚାର କାର୍ଯ୍ୟକ୍ରମ ନିର୍ଦ୍ଧାରିତ ଥିଲା। ଏହି ରାଲିକୁ ପୂର୍ବରୁ ମଧ୍ୟ ସ୍ଥଗିତ କରାଯାଇଥିଲା।
ସାରା ରାଜ୍ୟରେ ରାଜନୈତିକ ଦଳ ନିଜ ପ୍ରଚାରକୁ ଜୋରଦାର କରିଥିବାବେଳେ ବିଜୟ ନିଜ ପ୍ରଚାର କାର୍ଯ୍ୟକ୍ରମକୁ ରଦ୍ଦ କରିବାକୁ ନିଷ୍ପତ୍ତି ନେଇଛନ୍ତି। ଟିଭିକେ ପ୍ରମୁଖ ବିଜୟ ନିଜ ପ୍ରଥମ ନିର୍ବାଚନ ଲଢୁଛନ୍ତି। ଗତ କିଛି ଦିନ ହେବ ସେ ରାଜ୍ୟର ଅନେକ ଜିଲ୍ଲାକୁ ଲଗାତାର ପ୍ରଚାର କରିବାକୁ ଯାଉଛନ୍ତି। ସେ ପେରାମ୍ବୁରରୁ ନିଜ ପ୍ରଥମ ପ୍ରଚାର ଅଭିଯାନ ଆରମ୍ଭ କରିଥିଲେ। ଏହା ପରେ ସେ ତିରୁଚିରାପଲ୍ଲୀ, ତିରୁନେଭେଲୀ, ଥୁଥୁକୁଡି ଓ କରାଇକୁଡିରେ ଜନସଭାକୁ ସମ୍ବୋଧିତ କରିଛନ୍ତି। ତାଙ୍କ ପ୍ରଚାର ସମୟରେ ପ୍ରବଳ ଭିଡ ଦେଖିବାକୁ ମିଳୁଛି। କୁଡ୍ଡାଲୋର ଜିଲ୍ଲାରେ ୪ ସ୍ଥାନରେ ରାଲି ପାଇଁ ଦଳ ଅନୁମତି ମାଗିଥିଲା। ପୁଲିସ କିଛି ସର୍ତ୍ତରେ ରାଲି ପାଇଁ ଅନୁମତି ଦେଇଥିଲା। ତେବେ କାର୍ଯ୍ୟକ୍ରମ ଅଚାନକ ରଦ୍ଦ ହୋଇଥିଲା। ଏହା ପରେ ବିଜୟ ପୁଣି ଶନିବାର ଅନୁମତି ମାଗିଥିଲେ। ପୁଲିସ ଏଥର ୨୧ ସର୍ତ୍ତରେ ରାଲିକୁ ଅନୁମତି ଦେଇଥିଲା। ରାଲି ଦ୍ବିପ୍ରହର ୨ଟାରେ ହୋଇଥାନ୍ତା। କୁହାଯାଉଛି କି ନିକଟରେ ବିଜୟଙ୍କ କିଛି ଜିଲ୍ଲା ଗସ୍ତ ସମୟରେ ଏକ ଛୋଟ ଦୁର୍ଘଟଣା ହୋଇଥିଲା। ଏହା ପରେ ସେ ପ୍ରଚାର କାର୍ଯ୍ୟକ୍ରମ ରଦ୍ଦ କରିଥିବା ଆଲୋଚନା ହେଉଛି।
