ନୂଆଦିଲ୍ଲୀ : ଉତ୍ତରପ୍ରଦେଶର ସୁଲତାନପୁରର ପୂର୍ବାଞ୍ଚଳ ଏକ୍ସପ୍ରେସୱେରେ ଭାରତୀୟ ବାୟୁସେନା (ଆଇଏଏଫ) ବିମାନ ଉଡ଼ାଣ ଏବଂ ଅବତରଣ ଅଭ୍ୟାସ କରିଛି। ଆଜି ଦେଶରେ ପହଲଗାମ ଆକ୍ରମଣର ବାର୍ଷିକୀ ମଧ୍ୟ ପାଳନ କରା ଯାଉଥିବା ବେଳେ ଏହି ଆଭାସ ଆହୁରି ଚର୍ଚ୍ଚା ବଢ଼ାଇଛି।
ପହଲଗାମ ଆକ୍ରମଣର ବାର୍ଷିକୀ ଅବସରରେ ଭାରତୀୟ ବାୟୁସେନା ଉତ୍ତର ପ୍ରଦେଶର ସୁଲତାନପୁରରେ ନିଜର ପରାକ୍ରମ ପ୍ରଦର୍ଶନ କରି ପଡ଼ୋଶୀ ରାଷ୍ଟ୍ର ପାକିସ୍ତାନକୁ ଏକ ଦୃଢ଼ ବାର୍ତ୍ତା ପଠାଇଛି। ଏହି ଅଭ୍ୟାସ ସମୟରେ, ବାୟୁସେନା ଏହାର ଲଢ଼ୁଆ ବିମାନଗୁଡ଼ିକର ଉଡ଼ାଣ ଏବଂ ଅବତରଣ ଅଭ୍ୟାସ କରିଛି। ଯୁଦ୍ଧ କିମ୍ବା ଜାତୀୟ ଜରୁରୀକାଳୀନ ପରିସ୍ଥିତି ସମୟରେ ଏକ୍ସପ୍ରେସୱେକୁ ବିକଳ୍ପ ରନୱେ ଭାବରେ ବ୍ୟବହାର କରିବାର କ୍ଷମତାକୁ ପ୍ରମାଣିତ କରିବା ପାଇଁ ଏହି ଅଭ୍ୟାସ କରାଯାଇଛି।
ଭାରତୀୟ ବାୟୁସେନାର ତିନୋଟି ଭୟଙ୍କର ବିମାନ ତେଜସ୍, ଏୟାରବସ୍ C-୨୯୫ ଏବଂ ଜାଗୁଆର ରାସ୍ତାରେ ପରାକ୍ରମ ଦେଖାଇଛି। ଯୁଦ୍ଧ ବିମାନ ସୁଖୋଇ ଏବଂ ମିରାଜର ଗର୍ଜନରେ ଆକାଶ ଥରିଛି।
