ନୂଆଦିଲ୍ଲୀ: ବଜେଟ ପରେ ଲୋକସଭାରେ ଏନେଇ ଚାଲିଥିବା ଆଲୋଚନା ବେଳେ ବିଜେପି ସାଂସଦ ଅନୁରାଗ ଠାକୁର ବିରୋଧୀ ଦଳ ନେତା ତଥା କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କ ପ୍ରତି ବିବାଦୀୟ ବୟାନ ଦେଇଛନ୍ତି। ଯାହାକୁ ନେଇ ଗୃହରେ ପ୍ରବଳ ହଟ୍ଟଗୋଳ ହୋଇଛି। ବଜେଟ ଆଲୋଚନା ସମୟରେ ଅନୁରାଗ ଠାକୁର କହିଛନ୍ତି, ଯେଉଁମାନଙ୍କ ଜାତି ଜଣାନାହିଁ, ସେମାନେ ଜାତିଗତ ଜନଗଣନା କଥା କହୁଛନ୍ତି। ଅନୁରାଗ ଠାକୁରଙ୍କ ଏହି ବୟାନ ପରେ ବିରୋଧୀ ସାଂସଦମାନେ ହଙ୍ଗାମା କରିବା ଆରମ୍ଭ କରିଥିଲେ। ତେବେ ଅନୁରାଗ ଠାକୁର ନିଜ ଜବାବରେ କହିଛନ୍ତି ଯେ ସେ କାହାର ନାମ ନେଇନାହାନ୍ତି।
https://x.com/INCIndia/status/1818241073627472378?t=4ht–x1QM403dQ_To1K9qw&s=19
ତେବେ ଅନୁରାଗ ଠାକୁରଙ୍କ ଏପରି ବୟାନ ପରେ ରାହୁଲ ଗାନ୍ଧୀ କହିଛନ୍ତି ଯେ ଆପଣମାନେ ମୋତେ ଯେତେ ଅପମାନିତ କରିବାର ଅଛି କରନ୍ତୁ। କିନ୍ତୁ ଆପଣମାନେ ଭୁଲନ୍ତୁ ନାହିଁ ଯେ ଆମେ ସଂସଦରେ ଜାତିଗତ ଜନଗଣନା ବିଲ୍ ପାସ୍ କରାଇବୁ। ଏହି ଦେଶରେ ଯିଏ ଦଳିତ, ପଛୁଆ ଓ ଆଦିବାସୀଙ୍କ କଥା କହୁଛି, ତାକୁ ଗାଳି ଗୁଲଜ ଶୁଣିବାକୁ ପଡିବ। ମୁଁ ଏହି ଗାଳିକୁ ଖୁସିରେ ଖାଇବି।
