ରୁଷିଆ-ୟୁକ୍ରେନ ଯୁଦ୍ଧକୁ ନେଇ ଆସିଲା ଶୁଭ ସଙ୍କେତ

ନୂଆଦିଲ୍ଲୀ: ରୁଷିଆ ଏବଂ ୟୁକ୍ରେନ ମଧ୍ୟରେ ଚାଲିଥିବା ଯୁଦ୍ଧକୁ ଶେଷ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉଦ୍ୟମ ବର୍ତ୍ତମାନ ଫଳବତି ହେଉଥିବା ଜଣାପଡିଛି। ଗତ ଅଢେଇ ବର୍ଷ ଧରି ଚାଲିଥିବା ଯୁଦ୍ଧରେ ପ୍ରଥମ ଥର ପାଇଁ ଉଭୟ ଦେଶ ପରସ୍ପର ପ୍ରତି କିଛି ଉଦାରତା ଦେଖାଇଛନ୍ତି। ରୁଷିଆ ଏବଂ ୟୁକ୍ରେନ ପ୍ରଥମ ଥର ପାଇଁ ଯୁଦ୍ଧ ବନ୍ଦୀମାନଙ୍କୁ ଅଦଳ ବଦଳ କରିଛନ୍ତି। ଯେଉଁଥିରେ ଉଭୟ ପକ୍ଷ ୧୦୩ଜଣଙ୍କୁ ମୁକ୍ତ କରିଛନ୍ତି। ନ୍ୟୁଜ ଏଜେନ୍ସି ଇଣ୍ଟରଫ୍ୟାକ୍ସ ଶନିବାର ରିପୋର୍ଟ କରିଛି ଯେ ଅଦଳବଦଳ ହୋଇଥିବା ରୁଷିଆର ସୈନିକମାନେ ରୁଷିଆର କୁର୍ସ୍କ ଅଞ୍ଚଳରେ ବନ୍ଦୀ ହୋଇଥିଲେ। ଗତ ମାସରେ, ୟୁକ୍ରେନ ସେନା ଏହାର ପ୍ରଥମ ପ୍ରମୁଖ ଆକ୍ରମଣରେ ରୁଷିଆର ଏହି ଅଞ୍ଚଳକୁ କାବୁ କରିଥିଲା। ସୂଚନାଯୋଗ୍ୟ, ନିକଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୟୁକ୍ରେନ ଗସ୍ତ କରିଥିଲେ। ସେ ୟୁକ୍ରେନ ରାଷ୍ଟ୍ରପତି ଭୋଲୋଡିମିର ଜେଲେନସ୍କିଙ୍କୁ ଭେଟିଥିଲେ। ଏହାପୂର୍ବରୁ ପ୍ରଧାନମନ୍ତ୍ରୀ ମୋଦି ମସ୍କୋ ଗସ୍ତରେ ଯାଇ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସହ କଥା ହୋଇଥିଲେ। ନିକଟରେ ଭାରତର ଏନଏସଏସ ଅଜିତ ଡୋଭାଲ ରୁଷିଆର ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସହ ମୁହାଁମୁହିଁ କଥା ହୋଇଥିଲେ। ଯୁଦ୍ଧ ବନ୍ଦ କରିବା ପାଇଁ ବୁଝାମଣାରେ ସେ ଭାରତର ଦୃଷ୍ଟିକୋଣ ଗ୍ରହଣ କରିବାକୁ ପ୍ରସ୍ତୁତ ବୋଲି ପୁଟିନ କହିଛନ୍ତି। ଯୁଦ୍ଧ ବନ୍ଦ କରିବାକୁ ରୁଷିଆକୁ ମନାଇବା ପାଇଁ ୟୁକ୍ରେନ ରାଷ୍ଟ୍ରପତି ଜେଲେନସ୍କି ମଧ୍ୟ ଭାରତକୁ ଏହାର ପ୍ରଭାବ ବ୍ୟବହାର କରିବାକୁ କହିଛନ୍ତି।