ରେକର୍ଡ ଭାଙ୍ଗିଲା ଖରା, ଭୁବନେଶ୍ବର ଛୁଇଁଲା ୩୪.୯ ଡିଗ୍ରୀ

ଭୁବନେଶ୍ୱର : ଖରାରେ ସବୁଠୁ ଚିନ୍ତାର କାରଣ ପାଲଟିଛି ରାଜଧାନୀ ଭୁବନେଶ୍ବର । ଗତ ୪ବର୍ଷ ପରେ ଭୁବନେଶ୍ବରରେ ଫେବୃଆରୀ ପ୍ରଥମ ସପ୍ତାହରେ ସର୍ବୋଚ୍ଚ ତାତି । ଚଳିତବର୍ଷ ଫେବୃଆରୀ ପ୍ରଥମ ସପ୍ତାହରେ ୩୪.୯ ଡିଗ୍ରୀ ଛୁଇଁଛି ପାରଦ।୨୦୨୪ ମସିହା ଜାନୁଆରୀ ୩୧ ତାରିଖରେ ୩୧.୬ ଡିଗ୍ରୀ ତାପମାତ୍ରା ରେକର୍ଡ କରାଯାଇଥିଲା । ସେହିପରି ୨୦୨୩ ମସିହା ଫେବୃଆରୀ ୧ରେ ୩୨.୩ ଡିଗ୍ରୀ ଓ ୨୦୨୨ ମସିହା ଫେବୃଆରୀ ୨ ତାରିଖରେ ୩୧.୨ ଡିଗ୍ରୀ ତାପମାତ୍ରା ରେକର୍ଡ କରାଯାଇଥିଲା । ହେଲେ ଚଳିତବର୍ଷ ଫେବୃଆରୀ ପ୍ରଥମ ସପ୍ତାହରେ ୩୫ ଡିଗ୍ରୀ ପାଖାପାଖି ପହଂଚିଲାଣି ତାତି । ଗତ ୨୦୨୪ ଏପ୍ରିଲ ମାସରେ ରାଜଧାନୀରେ ସର୍ବାଧିକ ୪୦ଡିଗ୍ରୀ ଉପରେ ରହିଥିଲା ପାରଦ । ଯାହାକି ୭୮ ବର୍ଷର ରେକର୍ଡ ଭାଙ୍ଗିଥିଲା । ହେଲେ ଚଳିତବର୍ଷ ଫେବ୍ରୁଆରୀରୁ ଏଭଳି ତାତି ଲୋକଙ୍କୁ ଚିନ୍ତାରେ ପକାଇଛି ।