ଯେପରି ସକାଳର ପ୍ରଥମ କିରଣ ଆମ ଶରୀରକୁ ଶକ୍ତି ବା ଉର୍ଜ୍ଜାରେ ଭରିଦିଏ, ସେହିପରି କିଛି ପ୍ରାକୃତିକ ଜିନିଷ ଆମ ସ୍ୱାସ୍ଥ୍ୟକୁ ସାରାଜୀବନ ପାଇଁ ସୁରକ୍ଷିତ ରଖିପାରିବ। ଆୟୁର୍ବେଦରେ କୁହାଯାଇଛି ଯେ ଯଦି ଦିନର ଆରମ୍ଭ କିଛି ବିଶେଷ ଔଷଧୀୟ ଗଛ ସହିତ କରାଯାଏ, ତେବେ କେବଳ ରୋଗ ଦୂର ହୁଏ ନାହିଁ ବରଂ ଶରୀର ଭିତରୁ ମଜଭୁତ ହୋଇଯାଏ। ଏହା ଉପରେ ଡକ୍ଟର କୁହନ୍ତି ଯେ, ଯଦି ଆପଣ ପ୍ରତିଦିନ ଖାଲି ପେଟରେ ଗୋଟିଏ କିମ୍ବା ଦୁଇଟି କରୀ ପତ୍ର ବା ଭୃସଙ୍ଗ ପତ୍ର ଚୋବାନ୍ତି, ତେବେ ଏହା ହୃଦରୋଗ, ସୁଗାର ଏବଂ ପାଚନ ସମସ୍ୟାରୁ ରକ୍ଷା କରେ।
କୋଲେଷ୍ଟ୍ରଲ ନିୟନ୍ତ୍ରଣରେ ସହାୟକ : ଆଜିକାଲି ହାଇ କୋଲେଷ୍ଟ୍ରଲର ସମସ୍ୟା ବହୁତ ଦ୍ରୁତ ଗତିରେ ବୃଦ୍ଧି ପାଉଛି, ଯାହା ହୃଦଘାତ ଏବଂ ଷ୍ଟ୍ରୋକର କାରଣ ହୋଇପାରେ। କିନ୍ତୁ ସକାଳେ ଖାଲି ପେଟରେ ଭୃସଙ୍ଗ ପତ୍ର ଚୋବାଇ ଖାଇବା ଦ୍ୱାରା ଶରୀରରେ ଖରାପ କୋଲେଷ୍ଟ୍ରଲ୍ (LDL) ହ୍ରାସ ପାଏ ଏବଂ ଭଲ କୋଲେଷ୍ଟ୍ରଲ୍ (HDL) ସ୍ତର ବୃଦ୍ଧି ପାଏ। ଏହା ହୃଦୟ ଧମନୀକୁ ସଫା ରଖେ ଏବଂ ରକ୍ତ ସଞ୍ଚାଳନକୁ ଉନ୍ନତ କରେ।
ଡାଇବେଟିସକୁ ନିୟନ୍ତ୍ରଣ କରବାରେ ଏହା ଅତ୍ୟନ୍ତ ପ୍ରଭାବଶାଳୀ : ଭୃସଙ୍ଗ ପତ୍ର ଡାଇବେଟିସ ବା ମଧୁମେହ ରୋଗୀଙ୍କ ପାଇଁ କୌଣସି ମହୋଷଧିଠାରୁ କମ୍ ନୁହେଁ। ଏଥିରେ ଥିବା ଆଣ୍ଟି-ଡାଇବେଟିକ୍ ଗୁଣ ରକ୍ତ ଶର୍କରା ସ୍ତରକୁ ନିୟନ୍ତ୍ରଣ କରେ। ଏହାକୁ ପ୍ରତିଦିନ ଖାଇବା ଦ୍ୱାରା ଇନସୁଲିନର କାର୍ଯ୍ୟକ୍ଷମତା ବୃଦ୍ଧି ପାଏ ଏବଂ ଶର୍କରା ହଠାତ୍ ବୃଦ୍ଧିକୁ ରୋକାଯାଇପାରେ। ଏହି କାରଣରୁ ମଧୁମେହ ରୋଗୀମାନେ ଏହାକୁ ନିଜ ଖାଦ୍ୟରେ ସାମିଲ କରିବା ଉଚିତ।
ପାଚନ ପ୍ରଣାଳୀର ଯତ୍ନ ନିଅନ୍ତୁ : ସକାଳେ ଖାଲି ପେଟରେ ଭୃସଙ୍ଗ ପତ୍ର ଚୋବାଇ ଖାଇବା ଦ୍ୱାରା ପାଚନ ପ୍ରଣାଳୀ ସୁସ୍ଥ ରହିଥାଏ। ଏହା କୋଷ୍ଠକାଠିନ୍ୟ, ଗ୍ୟାସ୍ ଏବଂ ଏସିଡିଟି ସମସ୍ୟାକୁ କମ କରିଥାଏ। ଏଥିରେ ଥିବା ଫାଇବର ଅନ୍ତନଳୀକୁ ସଫା କରିଥାଏ ଏବଂ ଶରୀରକୁ ହାଲୁକା ଅନୁଭବ କରାଏ।
ଓଜନ ହ୍ରାସରେ ସହାୟକ : ଓଜନ ହ୍ରାସ କରିବାକୁ ଚାହୁଁଥିବା ଲୋକଙ୍କ ପାଇଁ ଭୃସଙ୍ଗ ପତ୍ର ମଧ୍ୟ ଏକ ଔଷଧ।
ସେବନ କରିବାର ସଠିକ୍ ଉପାୟ:-
1-ସକାଳେ ଖାଲି ପେଟରେ 5ଟି ଭୃସଙ୍ଗ ବା କରୀ ପତ୍ର ଚୋବାଇ ଖାଆନ୍ତୁ
2-ଏହା ପରେ, ହାଲୁକା ଉଷୁମ ପାଣି ପିଅନ୍ତୁ
3-ଯଦି ଆପଣ ଚାହାଁନ୍ତି, ତେବେ ଆପଣ ଏହାକୁ ଲେମ୍ବୁ ପାଣି କିମ୍ବା ସ୍ମୁଦି ବା ଜୁସରେ ମଧ୍ୟ ମିଶାଇ ପାରିବେ। ଭୃସଙ୍ଗ ପତ୍ରକୁ ଖାଲି ପେଟରେ ସେବନ କଲେ କୋଲେଷ୍ଟ୍ରଲ୍ ନିୟନ୍ତ୍ରଣ, ମଧୁମେହ ବା ଡାଇବେଟିସ ନିୟନ୍ତ୍ରଣ, ହଜମ ଶକ୍ତି ବୃଦ୍ଧି ହୁଏ, ହାର୍ଟ ସୁସ୍ଥ ରୁହେ ଏବଂ ଓଜନ ହ୍ରାସ ଭଳି ପ୍ରତ୍ୟେକ ସମସ୍ୟାର ସମାଧାନ ହୋଇପାରିବ।
