ନୂଆଦିଲ୍ଲୀ : ମହାରାଷ୍ଟ୍ର ସରକାର ସରକାରୀ କର୍ମଚାରୀଙ୍କୁ ଖୁସିଖବର ଦେଇଛନ୍ତି। ସରକାର ଗତକାଲି ଏକ ନିର୍ଦ୍ଦେଶ ଜାରି କରି ନିଜ କର୍ମଚାରୀମାନଙ୍କୁ ମହଙ୍ଗା ଭତ୍ତାରେ ୫ମ ବେତନ ଆୟୋଗର ଅପରିବର୍ତ୍ତିତ ଦରମା ଅନୁଯାୟୀ, ୧୨ ପ୍ରତିଶତର ବୃଦ୍ଧି କରିଛନ୍ତି। ଯାହାକି ଜୁଲାଇ ୨୦୨୪ରେ ପ୍ରଭାବଶାଳୀ ଥିଲା। ସରକାର କର୍ମଚାରୀଙ୍କୁ ହୋଲି ପୂର୍ବରୁ ଏହି ଉପହାର ଦେଇଛନ୍ତି। ସରକାରୀ ପ୍ରସ୍ତାବ ଅନୁଯାୟୀ, ଡିଏକୁ ୪୪୩ ପ୍ରତିଶତରୁ ସଂଶୋଧନ କରାଯାଇ ୪୫୫ ପ୍ରତିଶତ କରାଯାଇଛି। ଏହି ପେମେଣ୍ଟ ୨୦୨୫ ଫେବୃଆରୀ ମାସର ଦରମା ସହ କରାଯିବ।
ଏଥିରେ ଜୁଲାଇ ୨୦୨୪ ମାସରୁ ଜାନୁଆରୀ ୧, ୨୦୨୫ ପର୍ଯ୍ୟନ୍ତ ବାକି ଥିବା ଟଙ୍କା ବି ସାମିଲ ରହିଛି। ମହାରାଷ୍ଟ୍ର ଅର୍ଥ ବିଭାଗର ଜଣେ ଅଧିକାରୀ କହିଛନ୍ତି ଯେ, ଏଥିରେ ୧୭ ଲକ୍ଷ କର୍ମଚାରୀଙ୍କୁ ଲାଭ ମିଳିବାର ସମ୍ଭାବନା ରହିଛି।
