Friday, November 20, 2026
20.1 C
Odisha

    ସାମ୍ନାକୁ ଆସିଲା ବୈଭବ ସୂର୍ଯ୍ୟବଂଶୀ ବିଜୟ ହଜାରେ ଟ୍ରଫି ନ ଖେଳିବାର କାରଣ, ପାଇଲେ ଏହି ସମ୍ମାନ

    ଆଗକୁ ପଢନ୍ତୁ

    ନୂଆଦିଲ୍ଲୀ  : ବୈଭବ ସୂର୍ଯ୍ୟବଂଶୀ ଗତ କିଛି ସମୟ ଧରି ଏପରି ପ୍ରଦର୍ଶନ କରି ଆସୁଛନ୍ତି ଯାହା ବହୁତ କମ୍ ଦେଖିବାକୁ ମିଳେ । ସେ ଜାତୀୟ ଏବଂ ଅନ୍ତର୍ଜାତୀୟ ସ୍ତରରେ ତାଙ୍କ ବ୍ୟାଟିଂରେ ସମସ୍ତଙ୍କୁ ପ୍ରଭାବିତ କରିଛନ୍ତି । ତାଙ୍କୁ ଏବେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ପ୍ରଧାନମନ୍ତ୍ରୀ ଜାତୀୟ ଶିଶୁ ପୁରସ୍କାର ପ୍ରଦାନ କରିଛନ୍ତି। ଏହି କାରଣରୁ ସେ ବିହାରର ବିଜୟ ହଜାରେ ଟ୍ରଫି ମ୍ୟାଚ୍ ଖେଳି ନାହାଁନ୍ତି। ବିଜୟ ହଜାରେ ଟ୍ରଫିରେ ବିହାର ପାଇଁ ବୈଭବ ସୂର୍ଯ୍ୟବଂଶୀ ଚମତ୍କାର ପ୍ରଦର୍ଶନ କରିଥିଲେ। ସେ ଅରୁଣାଚଳ ପ୍ରଦେଶ ବିପକ୍ଷରେ ୮୪ ବଲ୍‌ରେ ୧୯୦ ରନ୍ କରିଥିଲେ, ଯେଉଁଥିରେ ୧୬ ଚୌକା ଏବଂ ୧୫ ଛକା ଥିଲା । ପରେ ସେ ମଣିପୁର ବିପକ୍ଷରେ ମ୍ୟାଚ୍ ଖେଳିପାରି ନଥିଲେ କାରଣ ତାଙ୍କୁ ପ୍ରଧାନମନ୍ତ୍ରୀ ଜାତୀୟ ଶିଶୁ ପୁରସ୍କାର ଗ୍ରହଣ କରିବାକୁ ଦିଲ୍ଲୀ ଯିବାକୁ ପଡିଥିଲା।

    ବୈଭବ ସୂର୍ଯ୍ୟବଂଶୀ ଭାରତ A ଏବଂ ଭାରତୀୟ ଅଣ୍ଡର-19 ଦଳ ପାଇଁ ଚମତ୍କାର ପ୍ରଦର୍ଶନ କରିଛନ୍ତି। ତାଙ୍କୁ ଯେତେବେଳେ ବି ସୁଯୋଗ ଦିଆଯାଇଛି, ସେ ଏହାକୁ ଦୁଇ ହାତରେ ଧରିଛନ୍ତି ଏବଂ ତାଙ୍କ ବ୍ୟାଟିଂରେ ସମସ୍ତଙ୍କୁ ପ୍ରଭାବିତ କରିଛନ୍ତି। ସେ IPLରେ ରାଜସ୍ଥାନ ରୟାଲ୍ସ ପାଇଁ ଖେଳନ୍ତି ଏବଂ ଏଥର ମଧ୍ୟ ଦଳ ତାଙ୍କୁ ବଜାୟ ରଖିଛି। ସେ IPL ୨୦୨୫ ରେ ୭ ମ୍ୟାଚ୍ ରେ ୨୫୨ ରନ କରି ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ।ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏହି ଅବସରରେ କହିଥିଲେ, “ଆପଣଙ୍କର ଅସାଧାରଣ ପ୍ରତିଭା ସାହସ, କଳା ଏବଂ ସଂସ୍କୃତି, ପରିବେଶ, ନବସୃଜନ, ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା, ସମାଜସେବା ଏବଂ କ୍ରୀଡା ଭଳି ବିବିଧ କ୍ଷେତ୍ରରେ ନିଜର ଚମକ ପ୍ରଦର୍ଶନ କରିଛି। ଆପଣମାନେ ସମସ୍ତେ ପ୍ରଶଂସନୀୟ କାର୍ଯ୍ୟ କରିଛନ୍ତି। ସମୟର ଅଭାବ ଯୋଗୁଁ, ମୁଁ କେବଳ କିଛି ପିଲାଙ୍କ ନାମ ନେଇପାରୁଛି, କିନ୍ତୁ ଆଜି ସମ୍ମାନିତ ହୋଇଥିବା ପ୍ରତ୍ୟେକ ପିଲା ସମାନ ଭାବରେ ସମ୍ମାନ ପାଇବାକୁ ଯୋଗ୍ୟ।”

    ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ ‘ବୀର୍ ବାଲ୍ ଦିବସ’ ହେଉଛି ଗୁରୁ ଗୋବିନ୍ଦ ସିଂହଙ୍କ ପୁତ୍ରମାନଙ୍କ ବଳିଦାନକୁ ସ୍ମରଣ କରିବାର ଏକ ଦିନ। ପ୍ରଧାନମନ୍ତ୍ରୀ ଶ୍ରୀ ଗୁରୁ ଗୋବିନ୍ଦ ସିଂହଙ୍କ ଜନ୍ମବାର୍ଷିକୀ ଅବସରରେ ଜାନୁଆରୀ ୯, ୨୦୨୨ରେ ଘୋଷଣା କରିଥିଲେ ଯେ ତାଙ୍କ ପୁତ୍ର ସାହିବଜାଦା ବାବା ଜୋରାୱାର ସିଂହ ଏବଂ ବାବା ଫତେହ ସିଂହଙ୍କ ସହିଦତାକୁ ସ୍ମରଣ କରିବା ପାଇଁ ଡିସେମ୍ବର ୨୬ କୁ ‘ବୀର୍ ବାଲ୍ ଦିବସ’ ଭାବରେ ପାଳନ କରାଯିବ, ଯାହାଙ୍କ ବଳିଦାନ ଆଜି ମଧ୍ୟ ପିଢ଼ିକୁ ପ୍ରେରଣା ଦେଉଛି।

    ଅନ୍ୟାନ୍ୟ ଖବର

    ପାଣିପାଗ

    Odisha
    light rain
    20.1 ° C
    20.1 °
    20.1 °
    99 %
    1.9kmh
    100 %
    Fri
    20 °
    Sat
    24 °
    Sun
    28 °
    Mon
    29 °
    Tue
    28 °

    ସମ୍ବନ୍ଧିତ