ସୁନା-ରୂପା ଦାମ୍ ଖସିଲା, ଜାଣନ୍ତୁ..

ନୂଆଦିଲ୍ଲୀ : ଦିଲ୍ଲୀ ସର୍ରୋଫା ବଜାରରେ ସୁନା ୧୪୦୦ ଟଙ୍କା ହ୍ରାସ ପାଇ ୮୦ ହଜାର ଟଙ୍କା ତଳକୁ ଖସିଆସିଛି । ଅନ୍ୟପଟେ ରୂପା ଦାମ୍ ୪୨୦୦ ଟଙ୍କା ହ୍ରାସ ପାଇଛି । ଅନ୍ତର୍ଜାତୀୟ ବଜାରରେ ଦାମ୍ କମିଥିବାରୁ ଘରୋଇ ବଜାରରେ ମଧ୍ୟ ସୁନା ରୂପା ଦାମ୍ ହ୍ରାସ ପାଇଛି ।୯୯.୯ ପ୍ରତିଶତ ଶୁଦ୍ଧ ସୁନା ଦାମ୍ ୧୪୦୦ ଟଙ୍କା ହ୍ରାସ ପାଇ ୭୯,୫୦୦ ଟଙ୍କା ପ୍ରତି ୧୦ ଗ୍ରାମ ରହିଛି । ପୂର୍ବରୁ ଏହା ୮୦,୯୦୦ ଟଙ୍କା ପ୍ରତି ୧୦ ଗ୍ରାମ ଥିଲା । ସେହିଭଳି ରୂପା ୪,୨୦୦ ଟଙ୍କା ହ୍ରାସ ପାଇ ୯୨,୮୦୦ ଟଙ୍କା ପ୍ରତି କିଲୋଗ୍ରାମ ହୋଇଯାଇଛି । ଏହା ଡିସେମ୍ବର ମାସର ସବୁଠାରୁ ବଡ ହ୍ରାସ । କମେକ୍ସ ସୁନା ବାଏଦା ୧୮.୬୦ ଡଲାର ପ୍ରତି ଆଉନ୍ସର ହ୍ରାସ ସହିତ ୨,୬୯୦.୮୦ ଡଲାର ପ୍ରତି ଆଉନ୍ସକୁ ଖସିଆସିଛି ।