ମିରଟର ବହୁଚର୍ଚ୍ଚିତ ସୌରଭ ହତ୍ୟା ମାମଲାରେ ଏକ ଆଶ୍ଚର୍ଯ୍ୟଜନକ ମୋଡ଼ ସାମ୍ନାକୁ ଆସିଛି । ସୌରଭ ହତ୍ୟା ମାମଲାରେ ଜେଲ ଦଣ୍ଡ ଭୋଗୁଥିବା ମୁସ୍କାନ ସମ୍ପର୍କରେ ଏକ ବଡ଼ ଖବର । ମୁସ୍କାନଙ୍କ ପ୍ରେଗ୍ନେନ୍ସି ଟେଷ୍ଟ ପଜିଟିଭ୍ ବାହାରିଛି । ସ୍ୱାମୀକୁ ହତ୍ୟା କରି ଜେଲରେ ଦଣ୍ଡ ଭୋଗୁଥିବା ମୁସ୍କାନ ଏବେ ଏକ ସନ୍ତାନର ମାଆ ହେବାକୁ ଯାଉଛି । ମୁସ୍କାନର ପ୍ରେମିକ ସାହିଲ ମଧ୍ୟ ଜେଲରେ ଦଣ୍ଡ ଭୋଗୁଛି ।
ସୂଚନା ଅନୁଯାୟୀ, ରବିବାର ଦିନ ଜେଲ ଭିତରେ ମୁସ୍କାନଙ୍କ ସ୍ୱାସ୍ଥ୍ୟାବସ୍ଥା ଖରାପ ହୋଇଯାଇଥିଲା । ସେ ବାନ୍ତି ମଧ୍ୟ କରିଥିଲେ । ଏହା ପରେ ଜେଲ ପ୍ରଶାସନ ତାଙ୍କର ଗର୍ଭଧାରଣ ପରୀକ୍ଷା କରିବାକୁ ନିଷ୍ପତ୍ତି ନେଇଥିଲା । ଏହି ସମୟରେ ସେ ଗର୍ଭବତୀ ଥିବା ଜଣାପଡିଛି । ମୁସ୍କାନଙ୍କ ପ୍ରେଗ୍ନେନ୍ସି ଟେଷ୍ଟ ପଜିଟିଭ୍ ଆସିବା ପରେ, ଏବେ ତାଙ୍କର ଅଲ୍ଟ୍ରାସାଉଣ୍ଡ କରାଯିବ । କିନ୍ତୁ ତାଙ୍କ ଗର୍ଭଧାରଣ ମାମଲାର ଏହି ଶୁଣାଣିକୁ ପ୍ରଭାବିତ କରିବ କି ନାହିଁ ତାହା ଏବେ କୁହାଯାଇପାରିବ ନାହିଁ ।
କିନ୍ତୁ କୁହାଯାଉଛି ଯେ ଜେଲ ପ୍ରଶାସନ ତାଙ୍କ ତଦାରଖ ବୃଦ୍ଧି କରିପାରେ । ଜେଲରେ ନିୟମିତ ଭାବରେ ତାଙ୍କର ପରୀକ୍ଷା କରାଯିବ ବୋଲି କୁହାଯାଉଛି । ସେଠାରେ ତାଙ୍କୁ ଡାକ୍ତରଙ୍କ ତତ୍ତ୍ୱାବଧାନରେ ରଖାଯିବ । ତଥାପି, ପ୍ରେଗ୍ନେନ୍ସି ଟେଷ୍ଟ ପଜିଟିଭ୍ ଆସିବା ପରେ ଏବେ ଅନେକ ବଡ଼ ପ୍ରଶ୍ନ ଉଠାଯାଉଛି । ଏ କାହାର ପିଲା? ଏହି ପିଲାଟିର ଜନ୍ମ ପରେ କିଏ ତା’ର ଯତ୍ନ ନେବ?
ଏଭଳି ଅନେକ କିଛି ପ୍ରଶ୍ନ ଯାହାର ଉତ୍ତର ସମସ୍ତେ ଜାଣିବାକୁ ଚାହାଁନ୍ତି । ଏହା ମଧ୍ୟ ସାମ୍ନାକୁ ଆସିଥିଲା ଯେ ସ୍ୱାମୀଙ୍କୁ ହତ୍ୟା କରି ଜେଲ ଯିବା ସମୟରେ ମଧ୍ୟ ମୁସ୍କାନ ତାଙ୍କ କପାଳରେ ସିନ୍ଦୁର ଲଗାଇଥିଲେ । ଏପରି ପରିସ୍ଥିତିରେ, ପ୍ରଶ୍ନ ଉଠିଲା ଯେ ମୁସକାନ୍ ସାହିଲଙ୍କୁ ବିବାହ କରିଥିଲେ କି? ଏବଂ ଏବେ ତାଙ୍କର ଗର୍ଭବତୀ ହେବା ଖବର ଏହି ସନ୍ଦେହକୁ ନିଶ୍ଚିତ କରୁଥିବା ପରି ମନେ ହେଉଛି ।
ଆପଣଙ୍କୁ କହିରଖୁଛୁ ଯେ ଏହି ହତ୍ୟା ମାମଲା ବହୁତ ଚର୍ଚ୍ଚାରେ ଥିଲା କାରଣ ସୌରଭ ନାମକ ଜଣେ ବ୍ୟକ୍ତିଙ୍କୁ ହତ୍ୟା କରିବା ପରେ ତାଙ୍କ ଶରୀରର ଖଣ୍ଡଗୁଡ଼ିକୁ ଏକ ନୀଳ ଡ୍ରମରେ ଭର୍ତ୍ତି କରାଯାଇଥିଲା ଏବଂ ତା’ ଉପରେ ସିମେଣ୍ଟ ଢାଳି ଦିଆଯାଇଥିଲା । ଏହି ମାମଲାରେ, ସୌରଭଙ୍କ ସ୍ତ୍ରୀ ମୁସ୍କାନ ଏବଂ ତାଙ୍କ ପ୍ରେମିକ ସାହିଲଙ୍କୁ ଗିରଫ କରାଯାଇଥିଲା ।
