ନୂଆଦିଲ୍ଲୀ : ମାନେସରରେ ଭିଭିଡିଏନ ଟେକ୍ନୋଲୋଜିର ଏସଏମଟି ଲାଇନର ଉଦଘାଟନ ଅବସରରେ କେନ୍ଦ୍ର ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରୀ ଅଶ୍ୱିନୀ ବୈଷ୍ଣବ ଆଜି କହିଛନ୍ତି ଯେ ଗତ ଦଶ ବର୍ଷ ମଧ୍ୟରେ ଭାରତର ଇଲେକ୍ଟ୍ରୋନିକ୍ ପ୍ରଡକ୍ସନ ପାଞ୍ଚ ଗୁଣ ବୃଦ୍ଧି ପାଇଛି। ସେ କହିଛନ୍ତି ଯେ, ସରକାରଙ୍କ ନୀତି ଏବଂ ପ୍ରୋତ୍ସାହନ ଯୋଗୁଁ ଭାରତର ଇଲେକ୍ଟ୍ରୋନିକ୍ ଉତ୍ପାଦନ ୧୧ ଲକ୍ଷ କୋଟି ଟଙ୍କାରୁ ଅଧିକ ବୃଦ୍ଧି ପାଇଛି । ଏହାରି ମଧ୍ୟରେ, ଇଲେକ୍ଟ୍ରୋନିକ୍ସ ରପ୍ତାନି ଛଅ ଗୁଣ ବୃଦ୍ଧି ପାଇ ୩.୨୫ ଲକ୍ଷ କୋଟି ଟଙ୍କାରୁ ଅଧିକ ହୋଇଛି ଏବଂ ସମଗ୍ର କ୍ଷେତ୍ରରେ ୨୫ ଲକ୍ଷ ନିଯୁକ୍ତି ସୃଷ୍ଟି ହୋଇଛି ।
ମନ୍ତ୍ରୀ ଗୁରୁତ୍ୱାରୋପ କରି କହିଥିଲେ ଯେ, ଭାରତୀୟ ଉତ୍ପାଦଗୁଡ଼ିକ ଏବେ ବିଶ୍ୱ ବଜାରରେ ସେମାନଙ୍କର ନିର୍ଭରଯୋଗ୍ୟତା ଏବଂ ଗୁଣବତ୍ତା ପାଇଁ ସ୍ୱୀକୃତି ପାଉଛନ୍ତି । ଏହି ଉତ୍ପାଦଗୁଡ଼ିକୁ ବୌଦ୍ଧିକ ସମ୍ପତ୍ତି ଅଧିକାରରୁ ଫାଇଦା ମିଳୁଛି । ସେ ଏହା ମଧ୍ୟ ଦର୍ଶାଇଥିଲେ ଯେ ଭାରତର ଡିଜାଇନ୍ କ୍ଷମତା ଏବେ ଏଆଇ-ଚାଳିତ କ୍ୟାମେରା, ଅଟୋମୋଟିଭ୍ ଇଲେକ୍ଟ୍ରୋନିକ୍ସ, ଟେଲିକମ୍ ଉପକରଣ ଏବଂ ପାୱାର ଇଲେକ୍ଟ୍ରୋନିକ୍ସ ଭଳି ଜଟିଳ ଉତ୍ପାଦ ନିର୍ମାଣ ପାଇଁ ପଥ ପ୍ରଶସ୍ତ କରୁଛି, ଯାହା ଭାରତକୁ ଏକ ଗୁରୁତ୍ୱପୂର୍ଣ୍ଣ ଇଲେକ୍ଟ୍ରୋନିକ୍ସ ହବ୍ କରୁଛି ।
