ବିରାଟ କୋହଲିଙ୍କ ଦଳ ପାଇଁ ବଡ଼ ଖବର। ବଦଳିଲା RCB ର ମାଲିକାନା । ଆଦିତ୍ୟ ବିର୍ଲା ଗ୍ରୁପ୍ ହେଲା ନୂଆ ମାଲିକ। ୧୬,୭୦୬ କୋଟି ଟଙ୍କାରେ ହେଲା ଡିଲ୍ । ଆଇପିଏଲ୍ ଟିମ୍ ‘ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ’କୁ କିଣିବ ଆଦିତ୍ୟ ବିର୍ଲା ଗ୍ରୁପ୍ । ପ୍ରାୟ ୧.୭୮ ବିଲିୟନ ଡଲାର ତଥା ଭାରତୀୟ ମୁଦ୍ରାରେ ପ୍ରାୟ ୧୬,୭୦୬ କୋଟି ଟଙ୍କା ବିନିମୟରେ ଏହି ଦଳକୁ କିଣିବାକୁ ଯାଉଛି ଏହି ଗ୍ରୁପ୍ ।
ଏହି ନୂଆ ମାଲିକାନା ଗୋଷ୍ଠୀରେ ଆଦିତ୍ୟ ବିର୍ଲା ଗ୍ରୁପ୍ ସହିତ ବ୍ଲାକଷ୍ଟୋନ୍, ଆମେରିକୀୟ ନିବେଶକ ଡେଭିଡ୍ ବ୍ଲିଟ୍ ଜରଙ୍କ ବୋଲ୍ଟ ଭେଞ୍ଚର୍ସ ଏବଂ ଟାଇମ୍ସ ଅଫ୍ ଇଣ୍ଡିଆ ମଧ୍ୟ ସାମିଲ ଅଛନ୍ତି । ସୂଚନା ଅନୁଯାୟୀ, ୟୁନାଇଟେଡ୍ ସ୍ପିରିଟ୍ସ ଲିମିଟେଡ୍ ଠାରୁ RCB ର ୧୦୦ ପ୍ରତିଶତ ଅଂଶଧନ କିଣିବା ପାଇଁ ଚୁକ୍ତି ହୋଇଛି । ଏହି ଡିଲ୍ ମାଧ୍ୟମରେ ଆଦିତ୍ୟ ବିର୍ଲା ଗ୍ରୁପ୍ ଉଭୟ ପୁରୁଷ ଏବଂ ମହିଳା RCB ଟିମ୍ ର ମାଲିକ ହେବେ ।
