ନୂଆଦିଲ୍ଲୀ : ପୃଥିବୀ ଆଡକୁ ଯାଉଥିବା ଏକ ଗ୍ରହାଣୁର ପ୍ରଥମ ଝଲକ ଦେଖାଇଛି ନାସା । ୨୦୨୪ ୱାଇଆର-୪ ନାମକ ଏହି ଗ୍ରହାଣୁ ୨୨ ଡିସେମ୍ବର ୨୦୩୨ରେ ପୃଥିବୀ ସହ ଧକ୍କା ହୋଇପାରେ। ବୈଜ୍ଞାନିକଙ୍କ କହିବା ନୁସାରେ, ଏହି ଗ୍ରହାଣୁ ଧକ୍କା ହେବାର ସମ୍ଭାବନା ୧.୮%ରୁ ୨.୩%କୁ ବୃଦ୍ଧି ପାଇଛି। ଏହାର ଆକାର ପାଖାପାଖି ୩୦୦ ଫୁଟ (୯୦ ମିଟର) ହୋଇପାରେ । ଏତେ ବଡ଼ ଆକାରର ଏକ ଗ୍ରହାଣୁ ସମଗ୍ର ସହରକୁ ଧ୍ୱଂସ କରିପାରେ। ୧୯୦୮ ମସିହାରେ ସାଇବେରିଆର ତୁଙ୍ଗୁସ୍କା ଅଞ୍ଚଳରେ ପଡ଼ିଥିବା ଏହି ଗ୍ରହାଣୁର ଆକାର ପ୍ରାୟ ଏହି ଥିଲା।ୟୁରୋପୀୟ ମହାକାଶ ଏଜେନ୍ସି (ଇଏସ୍ଏ) ଅନୁଯାୟୀ, ୨୦୩୨ ଡିସେମ୍ବର ୨୨ରେ ଏହି ଗ୍ରହାଣୁ ପୃଥିବୀର ଅତି ନିକଟତର ହେବ। ଏହା ପୃଥିବୀ ଦେଇ ସୁରକ୍ଷିତ ଭାବେ ଅତିକ୍ରମ କରିବାର ୯୯% ସମ୍ଭାବନା ରହିଛି । ତଥାପି ଟୋରିନୋ ଇମ୍ପାକ୍ଟ ହାଜର୍ଡ ସ୍କେଲରେ ଏହାର ରେଟିଂ ୩ ରହିଛି। ଏହି ସ୍କେଲ୍ ୦ରୁ ୧୦ ପର୍ଯ୍ୟନ୍ତ ହୋଇଥାଏ, ଯେଉଁଠାରେ ୦ ଅର୍ଥ କୌଣସି ବିପଦ ନାହିଁ ଏବଂ ୧୦ ହେଉଛି ପ୍ରଳୟ ଅର୍ଥାତ୍ ସମଗ୍ର ମାନବ ସଭ୍ୟତା ବିପଦରେ ପଡ଼ିପାରେ ।
୧୯୦୮ ମସିହାରେ ସାଇବେରିଆର ତୁଙ୍ଗୁସ୍କା ଜଙ୍ଗଲରେ ଏକ ବଡ଼ ଗ୍ରହାଣୁ ବିସ୍ଫୋରଣ ହୋଇଥିଲା। ୮୩୦ ବର୍ଗ ମାଇଲ (୨୧୫୦ ବର୍ଗ କିଲୋମିଟର) ଅଞ୍ଚଳ ନଷ୍ଟ ହୋଇଛି। ପୃଥିବୀର ବାୟୁମଣ୍ଡଳରେ ପ୍ରବେଶ କରିବା ମାତ୍ରେ ଏହି ଗ୍ରହାଣୁ ବିସ୍ଫୋରଣ ହୋଇଥିଲା, ଯେଉଁଥିରେ କୌଣସି ଗାତ ନଥିଲା, କିନ୍ତୁ ଲକ୍ଷ ଲକ୍ଷ ଗଛ ନଷ୍ଟ ହୋଇଯାଇଥିଲା।
