ଦିନ ଥିଲା ସଲମାନ ଓ ଐଶ୍ବର୍ଯ୍ୟା ବଲିଉଡର ଫେମସ କପଲ ଥିଲେ । ତାଙ୍କ ଦୁହିଁଙ୍କ ଯୋଡ଼ିକୁ ପ୍ରଶଂସକମାନେ ଖୁବ ପସନ୍ଦ କରୁଥିଲେ । କିନ୍ତୁ ଦୁଇ ଜଣ ଅଲଗା ହୋଇଗଲେ ଏବଂ ଐଶ୍ବର୍ଯ୍ୟା ଅଭିଷେକ ବଚ୍ଚନଙ୍କୁ ବିବାହ କଲେ । ଐଶ୍ବର୍ଯ୍ୟା ଓ ଅଭିଷେକ ଫଟୋ ଏବଂ ଭିଡିଓରେ ସବୁବେଳେ ନିଜକୁ ଖୁସିଥିବା ନଜର ଆସନ୍ତି । କିନ୍ତୁ ଗତ କିଛି ବର୍ଷ ହେବ ସୋମନଙ୍କ ମଧ୍ୟରେ ବିବାଦ ଲାଗି ରହିଥିବା କୁହାଯାଉଛି ।
ରିପୋର୍ଟ ଅନୁସାରେ ଐଶ୍ବର୍ଯ୍ୟା ବଚ୍ଚନ ପରିବାର ସାଙ୍ଗରେ ନରହି ନିଜ ଝିଅ ଆରାଧ୍ୟାଙ୍କ ସହ ରୁହନ୍ତି । କିନ୍ତୁ ଅଭିଷେକ ଏଭଳି କଥାକୁ ଖଣ୍ଡନ କରି କହିଛନ୍ତି ଯେ ସେମାନଙ୍କ ମଧ୍ୟରେ ସେମିତି କିଛି ନାହିଁ । ସେମାନେ ଏବେ ବି ସାଙ୍ଗରେ ଅଛନ୍ତି । କିନ୍ତୁ ଏହା ପରେ ବି ଲୋକମାନଙ୍କ ମଧ୍ୟରେ ଚର୍ଚ୍ଚା ବନ୍ଦ ହେଉନି ।
ଏହାରି ଭିତରେ ଏମିତି ଏକ ଖବର ସାମ୍ନାକୁ ଆସିଛି, ଯାହା ଆପଣଙ୍କ ହୋସ ଉଡ଼ାଇ ଦେବ । ଇଣ୍ଟରନେଟରେ ଏମିତି ଏକ ଫଟୋ ଭାଇରାଲ ହେଉଛି ଯେଉଁଥିରେ ଐଶ୍ବର୍ଯ୍ୟା ଏବଂ ଅଭିଷେକ ବଚ୍ଚନଙ୍କ ଝିଅ ଆରାଧ୍ୟା ସଲମାନଙ୍କ ସହ ନଜର ଆସିଛନ୍ତି । ‘ସିକନ୍ଦର’ ସୁଟିଂ ସେଟରେ ଆରାଧ୍ୟା ସଲମାନଙ୍କୁ ଭେଟିଥିବାର ଦେଖାଯାଇଛି ।
ଏହି ଫଟୋ ଭାଇରାଲ ହେବା ପରେ ଚର୍ଚ୍ଚା ଜୋର ଧରିଛି । କିନ୍ତୁ ଅସଲ କଥା ଜାଣିଲେ ଆପଣ ବି ତାଜୁବ ହୋଇଯିବେ । କାରଣ ଏହି ଫଟୋଟି ସମ୍ପୂର୍ଣ୍ଣ ଭାବେ ନକଲି । ଆରାଧ୍ୟାଙ୍କ ଫଟୋକୁ ଏଡିଟ କରି ଭାରତୀୟ ବକ୍ସର ନିଖତ ଜରିନଙ୍କ ଚେହେରା ଉପରେ ଲଗାଯାଇଛି । ଏହି ଭାଇରାଲ ଫଟୋରେ ଆରାଧ୍ୟାଙ୍କ ଚେହେରା ଜରିନଙ୍କ ଚେହେରା ଉପରେ ଲଗାଯାଇଥିବା ଜଣାପଡ଼ିଛି ।
