ଲକ୍ଷ୍ନୌ: ଉତ୍ତରପ୍ରଦେଶର ସମ୍ୱାଲରେ ରାବଣ ପୋଡ଼ି ସମୟରେ ଏକ ବଡ଼ ଦୁର୍ଘଟଣାକୁ ଏଡାଇ ଦିଆଯାଇଛି। ରାବଣ ପୋଡି ପରେ କିଛି ଲୋକ ଏହାର କାଠ ଏବଂ ପୋଡ଼ି ପାଉଁଶ ପାଇଁ ଦଳାଚକଟା ଆରମ୍ଭ କରିଥିଲେ। ତେବେ ଭିଡ଼ଙ୍କୁ ନିୟନ୍ତ୍ରଣ କରିବା ପାଇଁ ପୁଲିସ ପକ୍ଷରୁ ଲାଠିଚାର୍ଜ କରାଯାଇଥିଲା।
ତେବେ ଲୋକେ ଲାଠିଚାର୍ଜକୁ ଖାତିର ନ କରି ଦୌଡ଼ାଦୌଡ଼ି କରିଥିଲେ। ଶେଷରେ ଅତିରିକ୍ତ ବଳ ପ୍ରୟୋଗ କରି ପୁଲିସ ଭିଡ଼ଙ୍କୁ ସେଠାରୁ ହଟାଇବାରେ ସଫଳ ହୋଇଥିଲେ। ଫଳରେ ଏକ ବଡ଼ ଧରଣର ଦୁର୍ଘଟଣାକୁ ଏଡାଇ ଦେଇ ହୋଇଥିଲା। ଲାଠିଚାର୍ଜ ପରେ ଲୋକେ ଇତଃସ୍ତତ ହୋଇ ପଳାଇ ଯାଇଥିଲେ। ପରେ ପରିସ୍ଥିତି ଶାନ୍ତ ପଡ଼ିଥିଲା। ଏନେଇ କିଛି ବୁଦ୍ଧିଜୀବୀ ସ୍ଥାନୀ ପ୍ରଶାସନକୁ ଦୋଷ ଦେଇଛନ୍ତି। ପୂର୍ବରୁ ଏନେଇ ପ୍ରସ୍ତୁତି ହେବା ଉପରେ ;ସେମାନେ ଜୋର ଦେଇଛନ୍ତି। ଏଥି ସହିତ, କିଛି ଲୋକଙ୍କର ବିଶ୍ବାସ ରହିଛି ଯେ ରାବଣ ପୋଡ଼ିର ଜଳିଯାଇଥିବା କାଠକୁ ଘରକୁ ଆଣିବା ଉଚିତ ନୁହେଁ କାରଣ ଏହା ଏକ ମୃତ ଶରୀରର ପୋଡିଯାଇଥିବା ମୃତଦେହ ସଦୃଶ ଏବଂ ହିନ୍ଦୁ ଧର୍ମରେ ଘରେ ପୋଡିଯାଇଥିବା ଅବଶିଷ୍ଟାଂଶକୁ ରଖିବା ଅତ୍ୟନ୍ତ ଅଶୁଭ ବୋଲି ବିବେଚନା କରାଯାଇଥାଏ।
