ବଣାଇ : ୮ ଘଣ୍ଟିଆ ବଣାଇ ବନ୍ଦ । ବଣାଇକୁ NAC ମାନ୍ୟତା ଦାବିରେ ବନ୍ଦ ଡାକରା ଦେଇଛି ବିଜେଡି । ସମସ୍ତ ସରକାରୀ ବେସରକାରୀ କାର୍ଯ୍ୟାଳୟ ସହ ଦୋକାନବଜାର ବନ୍ଦ ରହିଛି । ରାସ୍ତା ଘାଟରେ ଟାୟାର ରଖି ରାସ୍ତା ଅବରୋଧ କରାଯାଇଛି । ପିକେଟିଂ କରି ସ୍କୁଲକୁ ଯାଇ ସମସ୍ତ ସ୍କୁଲ, ସରକାରୀ କାର୍ଯ୍ୟାଳୟ ସମ୍ମୁଖରେ କର୍ମୀ ଜଗି ବସିଛନ୍ତି । ସୁରକ୍ଷା ଦୃଷ୍ଟିରୁ ସ୍ଥାନେ ସ୍ଥାନେ ପୋଲିସ ମୁତୟନ ହୋଇଛନ୍ତି ।
ରାଜ୍ୟ ସରକାର ପ୍ରଥମ ପର୍ଯ୍ୟାୟରେ ୧୨ ଗୋଟି ବିଜ୍ଞାପିତ ଅଞ୍ଚଳ ଏବଂ ଦ୍ଵିତୀୟ ପର୍ଯ୍ୟାୟରେ ୧୬ ଗୋଟି ବିଜ୍ଞାପିତ ଅଞ୍ଚଳ ଘୋଷଣା କରିଥିଲେ । ହେଲେ ସେଥିରେ ବଣାଇ ସ୍ଥାନ ପାଇନଥିବା ନେଇ ଜଣ ସାଧାରଣରେ ଅସନ୍ତୋଷ ଦେଖାଦେଇଛି । ଏଥିପାଇଁ ବିଜୁ ଜନତା ଦଳ ପକ୍ଷରୁ ବଣାଇକୁ ଆଠ ଘଣ୍ଟା ବନ୍ଦ କରାଯାଇଛି ।
