ଷ୍ଟକହୋମ: ଆମେରିକୀୟ ବୈଜ୍ଞାନିକ ଭିକ୍ଟର ଆମ୍ବ୍ରୋଜ୍ ଓ ଗ୍ୟାରି ରୁଭକୁନଙ୍କୁ ମିଳିବ ଚିକିତ୍ସା ବିଜ୍ଞାନ କ୍ଷେତ୍ରରେ ସମ୍ମାନଜନକ ନୋବେଲ ପୁରସ୍କାର। ମାଇକ୍ରୋ-ଆରଏନଏ ଆବିଷ୍କାର ପାଇଁ ତାଙ୍କୁ ଏହି ପୁରସ୍କାର ମିଳିବ । କାରୋଲିନସ୍କା ଇନଷ୍ଟିଚ୍ୟୁଟର ନୋବେଲ ଏକାଡେମୀ ସୋମବାର (ଅକ୍ଟୋବର ୭, ୨୦୨୪) ଏହା ଘୋଷଣା କରିଛି।
ନୋବେଲ ଏକାଡେମୀ ପକ୍ଷରୁ କୁହାଯାଇଛି ଯେ, ଜିନ୍ କାର୍ଯ୍ୟକଳାପକୁ ନିୟନ୍ତ୍ରଣ ସଂପର୍କିତ ଏକ ମୌଳିକ ସିଦ୍ଧାନ୍ତ ଆବିଷ୍କାର କରିଥିବାରୁ ଏହି ବୈଜ୍ଞାନିକଦ୍ବୟଙ୍କୁ ଏହି ପୁରସ୍କାର ପ୍ରଦାନ କରାଯାଇଛି। ଭିକ୍ଟର ଆମ୍ବ୍ରୋସ୍ ଏବଂ ଗ୍ୟାରି ରୁଭ୍କୁନ୍ ବିଭିନ୍ନ କୋଷ ପ୍ରକାରକିପରି ବିକଶିତ ହୁଏ ସେ ବିଷୟରେ ଆଗ୍ରହୀ ଥିଲେ । ସେମାନେ ମାଇକ୍ରୋ-ଆରଏନଏ ଆବିଷ୍କାର କରିଥିଲେ, ଯାହା ଏକ ନୂତନ ଶ୍ରେଣୀର କ୍ଷୁଦ୍ର ଆରଏନଏ ଅଣୁ ଯାହା ଜିନ୍ ନିୟନ୍ତ୍ରଣରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ ।
୧୯୦୧ ମସିହାପରଠାରୁ ଫିଜିଓଲୋଜି ଓ ମେଡିସିନ କ୍ଷେତ୍ରରେ ଚଳିତ ବର୍ଷର ଏହି ପୁରସ୍କାର ୧୧୫ତମ ନୋବେଲ ପୁରସ୍କାର ଅଟେ । ୨୨୯ ବିଜେତାଙ୍କ ମଧ୍ୟରୁ ମାତ୍ର ୧୩ ଜଣ ମହିଳା ଅଛନ୍ତି। ପଦାର୍ଥ ବିଜ୍ଞାନରେ ୨୦୨୪ ନୋବେଲ ପୁରସ୍କାର ମଙ୍ଗଳବାର ଘୋଷଣା କରାଯିବ ଏବଂ ବୁଧବାର ରସାୟନ ବିଜ୍ଞାନ ପୁରସ୍କାର ଘୋଷଣା କରାଯିବ।
