ଘରେ ସାଧାରଣତଃ ଛୋଟପିଲାମାନେ ହେଲଦି ଖାଦ୍ୟ ଖାଇବାକୁ ପସନ୍ଦ କରନ୍ତି ନାହିଁ ସେଥିପାଇଁ ସେମାନଙ୍କୁ ବହୁତ ବାଧ୍ୟ କରି ମା ମାନେ ପଛରେ ଗୋଡେଇ ଗୋଡେଇ ଖୁଆଇଥାନ୍ତି । ତେବେ ଆପଣଙ୍କର ଏହି ସମସ୍ୟାର ସମାଧାନ ଆଣିଦେଇଛୁ ଆମେ । ଏକ ରିସର୍ଚ୍ଚରୁ ଜଣାପଡିଛି ଯେ ଯଦି ୧୦ ରୁ ୧୨ ବର୍ଷର ପିଲା ଖାଇବା ସମୟରେ କୁକିଙ୍ଗ ଚ୍ୟାନେଲ କିମ୍ବା କିଛି କୁକିଙ୍ଗ ଡ଼ିସ ଦେଖି ଖାଆନ୍ତି ତାହେଲେ ସେମାନେ ଅନହେଲଦି ଫୁଡ ଛାଡି ହେଲଦି ଫୁଡ ଖାଇବା ଆରମ୍ଭ କରିଦେଇଥାନ୍ତି । ଜର୍ଣ୍ଣାଲ ଅଫ ନ୍ୟୁଟ୍ରିସନ ଏଜୁକେସନ ବିହେବିୟରରେ ପ୍ରକାଶିତ ଏକ ଷ୍ଟଡିରେ ଏହି କଥା ଦାବି କରାଯାଇଛି ।
ଏହି ଷ୍ଟଡି ପାଇଁ ନେଦରଲ୍ୟାଣ୍ଡର ୫ଟି ସ୍କୁଲରୁ ୧୦ ରୁ ୧୨ ବର୍ଶ୍ଵ ପର୍ଯ୍ୟନ୍ତ ୧୨୫୪ ଜଣ ଛାତ୍ରଛାତ୍ରୀଙ୍କୁ ନେଇ ଏପରି ଅଧ୍ୟୟନ କରାଯାଇଥିଲା । ପ୍ରଥମେ ସେମାନଙ୍କୁ ଦୁଇ ଭାଗରେ ବିଭକ୍ତ କରାଯାଇଥିଲା । ଗୋଟେ ଦଳକୁ ହେଲଦି ଫୁଡ ପ୍ରସ୍ତୁତ କରାଯାଉଥିବା ଡ଼ିସ ଦେଖିବାକୁ ଦିଆଯାଇଥିବା ବେଳେ ଅନ୍ୟ ଗ୍ରୁପକୁ ଅନହେଲଦି ଫୁଡ ପ୍ରସ୍ତୁତ କରାଯାଉଥିବା ଏପିସୋଡ ଦେଖିବାକୁ ଦିଆଯାଇଥିଲା । ତେବେ ଏହିପରି ଏକ ସର୍ଭେରୁ ଜଣାପଡିଥିଲା ଯେ ଶୋ ଦେଖିବା ପରେ ହେଲଦି ଫୁଡର ଏପିସୋଡ ଦେଖିଥିବା ପିଲାମାନେ ସ୍ନାକ୍ସରେ ହେଲଦି ଫୁଡ ହିଁ ବାଛିଥିଲେ । ଅନ୍ୟପଟେ ଅନହେଲଦି ଫୁଡ ଏପିସୋଡ ଦେଖିଥିବା ପିଲାମାନେ ସ୍ନାକ୍ସରେ ଅନହେଲଦି ହିଁ ନେଇଥିଲେ । ତେବେ ଏହି ଗବେଷଣାରେ ଲିଡ଼ ଅଥରଙ୍କ କହିବା ଅନୁଯାୟୀ କୁକିଙ୍ଗ ରିସର୍ଚ ଦ୍ୱାରା ଏହା ପିଲାମାନଙ୍କର ଖାଇବା, ବ୍ୟବହାର ଓ ଚାଲିଚଳନ ଉପରେ ସକାରାତ୍ମକ ପ୍ରଭାବ ପକାଇବା ସହ ତାଙ୍କୁ ବଦଳାଇବାରେ ସାହାଯ୍ୟ କରିଥାଏ । ତାସହିତ ଏଜୁକେସନ ସିଷ୍ଟମରେ ମଧ୍ୟ ଏହିଭଳି ଶିକ୍ଷା ଦେବାର ବ୍ୟବସ୍ଥା କରିବା ପାଇଁ ସେ ପରାମର୍ଶ ଦେଇଥିଲେ ।
ବିଦ୍ୟାଳୟ ପିଲାଙ୍କ ମାନସିକ ଚେତନା ବୃଦ୍ଧିରେ ଏକ ମୁଖ୍ୟ ଭୂମିକା ଗ୍ରହଣ କରିଥାଏ । ତେବେ ଏହି ପ୍ରକ୍ରିୟାରେ ପିଲାମାନଙ୍କ ସହିତ ଷ୍ଟାଫମାନେ ମଧ୍ୟ ସାମିଲ ହେବା ଆବଶ୍ୟକ । ଯଦି ଶିକ୍ଷକ ଓ ସହପାଠୀ ମାନେ ପିଲାଦିନୁ ହିଁ ଏହି ପଜିଟିଭ ଚେଞ୍ଜ ସମ୍ପର୍କରେ ଆସନ୍ତି ତାହେଲେ ଏହ ତାଙ୍କୁ ବଡ ହେବାପରେ ହେଲଦି ଜିନିଷ ବାଛିବାରେ ସାହାଯ୍ୟ କରିବ ବୋଲି ଗବେଷକ ଫୋକବର୍ଡ କହିଛନ୍ତି ।
ଯଦିଓ ଏହି ଷ୍ଟଡିରେ ଦେଖିବାକୁ ମିଳିଥିଲା ଯେ କିଛି ପିଲା ଅଛନ୍ତି ଯେଉଁମାନେ କିଛି ନୂଆ ଟ୍ରାଏ କରିବାକୁ ଚାଁହାନ୍ତି ନାହିଁ । ହୋଇପାରେ ବଡହେଲା ପରେ ସେମାନଙ୍କୁ ଖାଦ୍ୟ ପଦାର୍ଥ ବିଷୟରେ ଜଣାପଡିବା ପରେ ପିଲାବେଳେ ଦେଖିଥିବା ପ୍ରୋଗ୍ରାମର ଆଧାରରେ ହେଲଦି ଫୁଡ ବାଛିବାକୁ ଆଗ୍ରହ ପ୍ରକାଶ କରିବେ ।
