ଆଠଗଡ଼ : ସମ୍ଭାବ୍ୟ ବାତ୍ୟାକୁ ଦୃଷ୍ଟିରେ ରଖି ଏବେ ପରିବା ବଜାରରେ ଭିଡ ଜମିଛି । ଆଠଗଡ଼ ସହରର ମୁଖ୍ୟ ପରିବା ବଜାର ହେଉଛି ପୂରୁଣା ବସଷ୍ଟାଣ୍ଡ ନିକଟ ଲକ୍ଷ୍ମୀ ବଜାର ପରିବା ମାର୍କଟେ । ସକାଳ ପାଉପାଉ ଲୋକମାନେ ପରିବା କିଣିବା ପାଇଁ ପରିବା ବଜାରରେ ଭିଡ଼ ଜମେଇବାରେ ଲାଗିଛନ୍ତି ।
କିଛି ଦିନ ତଳେ କେତେବେଳେ ଆଳୁ ଚିନ୍ତା ବଢ଼ାଉ ଥିଲା ତ କେତେବେଳେ ପିଆଜ । ଆଉ ଏବେ ପୁରା ପରିବା ବଜାରରେ ଲାଗିଛି ନିଆଁ । ରକେଟ ପରି ଉପର ମୁହାଁ ହେଲାଣି ପ୍ରାୟ ସମସ୍ତ ପରିବା ଦର । ଯେଉଁଥିରେ ହାତ ମାରିବେ ଦର ଆକାଶ ଛୁଆଁ । ପ୍ରାୟ କୌଣସି ପରିବା କିଲୋ ୫୦- ୬୦- ୭୦ ତଳକୁ ନାହିଁ । ସେ ପୋଟଳ ହେଉ କି ବାଇଗଣ । ଆଉ କିଛି କିଛି ନିର୍ଦିଷ୍ଟ ପରିବା ତ ଶହେ ଟପି ଗଲେଣି ।
