କଟକ: ଯିଏ ଦିନେ ତାଙ୍କ ଅଭିନୟରେ ଲୋକଙ୍କୁ ହସାଉ ଥିଲେ, କନ୍ଦ।ଉଥିଲେ ସେ ଆଜି ନିରବୀ ଯାଇଛନ୍ତି। ଆଉଓଡିଶା ଆଜି ହରାଇଛି ଆଉ ଜଣେ ମହାନ କଳାକାରଙ୍କୁ। ସେ କେତେବେଳେ ସରପଞ୍ଚ ବାବୁ ତ କେତେବେଳେ ଦଣ୍ଡା ବାଳୁଙ୍ଗା ଭାବେ ଓଡ଼ିଶାର ଦର୍ଶକଙ୍କ ହୃଦୟ ଜିଣିଥିଲେ। ତାଙ୍କର ଶୂନ୍ୟସ୍ଥାନ ଆଉ କେହିବି ପୂରଣ କରି ପାରିବେ ନାହିଁ।
ଆଉ ନାହାନ୍ତି ବରିଷ୍ଠ ଅଭିନେତା ଉତ୍ତମ ମହାନ୍ତି , ଚିକିତ୍ସାଧୀନ ଅବସ୍ଥାରେ ତାଙ୍କର ଦେହାନ୍ତ ହୋଇଛି.।.. ମେଦାନ୍ତ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ଦେହାନ୍ତ ଘଟିଛି । ପୂର୍ବରୁ ଉତ୍ତମଙ୍କୁ ଏୟାରଲିଫ୍ଟ କରାଯାଇଥିଲା । ସେ ଗତ କିଛି ଦିନ ହେବ ଲିଭର ଶିରୋସିସରେ ପୀଡିତ ଥିଲେ । ୧୯୭୭ରେ ସାଧୁ ମେହେରଙ୍କ ନିର୍ଦ୍ଦେଶିତ ‘ଅଭିମାନ’ ଫିଲ୍ମ ଜରିଆରେ ଓଡିଆ ସିନେମା ଜଗତରେ ଡେବ୍ୟୁ କରିଥିଲେ । ଏହାପର ଠାରୁ ଆଉ ପଛକୁ ଫେରିନାହାନ୍ତି ଉତ୍ତମ ମହାନ୍ତି । ଗୋଟିଏ ପରେ ଗୋଟିଏ ଫିଲ୍ମ କରି ଓଲିଉଡ୍ରେ ଏକ ନୂଆ ଟ୍ରେଣ୍ଡ ସେଟ୍ କରିଥିଲେ ଉତ୍ତମ । ବର୍ତ୍ତମାନ ଯାଏ ୧୩୫ରୁ ଅଧିକ ଫିଲ୍ମରେ ଅଭିନୟ କରିସାରିଛନ୍ତି ଉତ୍ତମ ମହାନ୍ତି । ଯେଉଁଥିରେ ତାଙ୍କର ନିଖୁଣ ଅଭିନୟ ପାଇଁ ସବୁବେଳେ ଦର୍ଶକଙ୍କ ହୃଦୟରେ ସ୍ୱତନ୍ତ୍ର ସ୍ଥାନ ସୃଷ୍ଟି କରିଛି । ୩୦ଟି ବଙ୍ଗଳା ଓ ଗୋଟିଏ ହିନ୍ଦୀ ସିନେମାରେ ଅଭିନୟ କରିସାରିଛନ୍ତି ।
