ନୂଆଦିଲ୍ଲୀ: ଭୋକ ମେଣ୍ଟାଇବାକୁ ୨୦୦ହାତୀ ମାରିବ ଜିମ୍ବାୱେ । ଏହି ଖବରକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି। ଜିମ୍ବାୱେ କାହିଁକି ଏଭଳି ପଦକ୍ଷେପ ନେବ ସେ ନେଇ ଆପଣ ଭାବୁଥିବେ ନିଶ୍ଚୟ। କୁହାଯାଉଛି ଯେ, ଜିମ୍ବାୱେରେ ଭୟଙ୍କର ପରିସ୍ଥିତି ଉପୁଜିଛି। ଏଠାରେ ମରୁଡି ପଡ଼ିବାରୁ ଲୋକଙ୍କ ପାଖରେ ଖାଇବାକୁ ଖାଦ୍ୟ ନାହିଁ । ତେଣୁ ଏଠାକାର ବନ୍ୟଜନ୍ତୁ କର୍ତ୍ତୃପକ୍ଷ ନିଷ୍ପତ୍ତି ନେଇଛନ୍ତି ଯେ ସେମାନେ ୨୦୦ହାତୀକୁ ହତ୍ୟା କରି ସେମାନଙ୍କର ମାଂସ ମଣିଷମାନଙ୍କୁ ଖାଇବାକୁ ଦିଆଯିବ | ଏଲ ନିନୋ କାରଣରୁ ଦକ୍ଷିଣ ଆଫ୍ରିକା ଦେଶରେ ବର୍ତ୍ତମାନ ମରୁଡ଼ି ପରିସ୍ଥିତି ଦେଖାଦେଇଛି। ପ୍ରାୟ ୬.୮୦ କୋଟି ଲୋକ ଏହା ଦ୍ୱାରା ପ୍ରଭାବିତ ହୋଇଛନ୍ତି | ସମଗ୍ର ଅଞ୍ଚଳରେ ଖାଦ୍ୟ ସାମଗ୍ରୀର ଭୟଙ୍କର ଅଭାବ ଦେଖାଦେଇଛି | ଜିମ୍ବାୱେ ପାର୍କ ଆଣ୍ଡ ୱାଇଲ୍ଡ ଲାଇଫ୍ ଅଥରିଟି ମୁଖପାତ୍ର ତିନାସେ ଫାରାଭୋ କହିଛନ୍ତି ଯେ ଆମେ ନିଶ୍ଚିତ କରୁଛୁ ଯେ କର୍ତ୍ତୃପକ୍ଷ ୨୦୦ହାତୀଙ୍କୁ ହତ୍ୟା କରିବାକୁ ଯାଉଛନ୍ତି।
ସେ ଆହୁରି କହିଛନ୍ତି ଯେ, ଏହି କାର୍ଯ୍ୟ ସମଗ୍ର ଦେଶରେ କରାଯିବ। କିପରି କରାଯିବ ତାହା ଆମେ ଆକଳନ କରୁଛୁ | ସେହି ସମ୍ପ୍ରଦାୟକୁ ହାତୀ ମାଂସ ପଠାଯିବ, ଯେଉଁଠାରେ ଅଧିକ ମରୁଡ଼ି ଅଛି | ଲୋକମାନେ ଖାଦ୍ୟ ପାଇଁ ଚିନ୍ତିତ | ଜିମ୍ବାୱେରେ ସରକାରୀ ଭାବେ ହାତୀ ହତ୍ୟା ୧୯୮୮ମସିହାରେ ଆରମ୍ଭ ହୋଇଥିଲା। ବିଶେଷକରି ହ୍ୱାଙ୍ଗେ, ମାବିରେ, ଶୋଲୋଶୋ ଏବଂ ଚିରେଜି ଜିଲ୍ଲାରେ ହାତୀ ହତ୍ୟା କରାଯାଇଥିଲା | ଗତ ମାସରେ ପଡୋଶୀ ଦେଶ ନାମିବ୍ୟାରେ ୮୩ଟି ହାତୀଙ୍କୁ ହତ୍ୟା କରାଯାଇଥିଲା, ଯାହାଦ୍ୱାରା ଭୋକିଲା ଲୋକଙ୍କୁ ମାଂସ ଖାଇବାକୁ ଦିଆଯାଇପାରିବ।
ଭୋକରେ ଆଉଟପାଉଟ ହେଉଥିବା ଲୋକଙ୍କୁ ଦିଆଯିବ ୨୦୦ହାତୀର ମାଂସ
