ଯଦି ଆପଣ ଅଧିକ ଗ୍ରୀନ୍ ଟି ପିଉଛନ୍ତି ତେବେ ହୋଇଯାଆନ୍ତୁ ସାବଧାନ! ଏହା ଆପଣଙ୍କ ସ୍ୱାସ୍ଥ୍ୟ ଉପରେ ଅନେକ କ୍ଷତି ପହଞ୍ଚାଇପାରେ । ଏପରି ପରିସ୍ଥିତିରେ, ଗ୍ରୀନ୍ ଟି କେତେ ପିଇବା ଉଚିତ୍ ତାହା ଜାଣିବା ଆପଣଙ୍କ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ବେଳେବେଳେ ଅତ୍ୟଧିକ ଗ୍ରୀନ୍ ଟି ପିଇବା ଦ୍ୱାରା ଆପଣଙ୍କୁ ଅସୁବିଧାରେ ପକାଇପାରେ । ଆଜି ଆମେ ଆପଣଙ୍କୁ ଅତ୍ୟଧିକ ଗ୍ରୀନ୍ ଟି ଦ୍ୱାରା ହୋଇଥିବା କ୍ଷତି ବିଷୟରେ କହିବାକୁ ଯାଉଛୁ । ଆସନ୍ତୁ ଏହା ବିଷୟରେ ଜାଣିବା…
ସ୍କିନ୍ ଆଲର୍ଜି ସମସ୍ୟା : ଅତ୍ୟଧିକ ଗ୍ରୀନ୍ ଟି ପିଇବା ଦ୍ୱାରା ସ୍କିନ୍ ଆଲର୍ଜି ହୋଇପାରେ । କାରଣ ଗ୍ରୀନ୍ ଟିରେ ମିଶାଯାଇଥିବା ଉପାଦାନଗୁଡ଼ିକ ବେଳେବେଳେ ସ୍କିନ୍ କୁ ସୁଟ୍ କରେନାହିଁ । ଯଦି ଆପଣ ନିୟମିତ ଭାବରେ ଗ୍ରୀନ୍ ଟି ପିଉଛନ୍ତି ତେବେ ଏହା ଆପଣଙ୍କ ପାଇଁ ବହୁତ କ୍ଷତି କରିପାରେ । ତେଣୁ ଯଦି ବି ଆପଣ ଗ୍ରୀନ୍ ଟି ପିଉଛନ୍ତି ତେବେ କମ୍ ପରିମାଣର ପିଇବା ଉଚିତ୍ ।
ହଜମ ପ୍ରକ୍ରିୟାରେ ଅସୁବିଧା : ଗ୍ରୀନ୍ ଟି’ର ଅତ୍ୟଧିକ ବ୍ୟବହାର ହଜମ ଜନିତ ସମସ୍ୟା ସୃଷ୍ଟି କରିପାରେ, ଯେପରିକି ଏସିଡ଼ିଟି, ଗ୍ୟାସ୍ ଏବଂ ପେଟ ଯନ୍ତ୍ରଣା । ତେଣୁ, ଏହାକୁ ସବୁବେଳେ ଅଳ୍ପ ପରିମାଣରେ ପିଇବା ଉଚିତ୍ । କାରଣ ବେଳେବେଳେ ଏଭଳି ହୁଏ ଯେ ଏହାକୁ ଅଧିକ ପିଇବା ଆପଣଙ୍କ ପେଟ ପାଇଁ କ୍ଷତିକାରକ ପ୍ରମାଣିତ ହୋଇପାରେ ।
ଭିଟାମିନ୍ B ଅଭାବ : ଗ୍ରୀନ୍ ଟିରେ କ୍ୟାଟେଚିନ୍ ଥାଏ, ଯାହା ଭିଟାମିନ୍ B ର ଅବଶୋଷଣକୁ ହ୍ରାସ କରିପାରେ । ଏହା ବ୍ୟତୀତ ଗ୍ରୀନ୍ ଟିରେ ପଲିଫେନୋଲ୍ ଥାଏ, ଯାହା ଆଇରନ୍ ଅବଶୋଷଣକୁ ହ୍ରାସ କରିପାରେ ।
ଦାନ୍ତ ସମସ୍ୟା ବଢିପାରେ : ଗ୍ରୀନ୍ ଟିରେ ଟେନିନ୍ ଥାଏ, ଯାହା ଦାନ୍ତକୁ କ୍ଷୟ କରିପାରେ ଏବଂ ଦାନ୍ତ ସମସ୍ୟା ସୃଷ୍ଟି କରିଥାଏ । ଅତ୍ୟଧିକ ଗ୍ରୀନ୍ ଟି’ ପିଇବା ଦ୍ୱାରା ହାଇ ବ୍ଲଡ଼ପ୍ରେସର ଏବଂ ହାର୍ଟ ଆଟାକ୍ ଭଳି ହୃଦ୍ରୋଗ ହୋଇପାରେ । ଏଥି ସହିତ, ଗ୍ରୀନ୍ ଟି ଅତ୍ୟଧିକ ମାତ୍ରାରେ ପିଇବା ଦ୍ୱାରା ନିଦ୍ରା ସମସ୍ୟା ହୋଇପାରେ, ଯେପରିକି ଅନିଦ୍ରା ଏବଂ ନିଦ୍ରା ଅଭାବ ।
ଏହି ବିପଦରୁ ରକ୍ଷା ପାଇବା ପାଇଁ କିଛି ଟିପ୍ସ:
ମଧ୍ୟମ ପରିମାଣରେ ଗ୍ରୀନ୍ ଟି ପିଅନ୍ତୁ ଅର୍ଥାତ ପ୍ରତିଦିନ ପ୍ରାୟ ୨ କପ୍ ।
ଗ୍ରୀନ୍ ଟି ସହିତ କ୍ଷୀର ଏବଂ ଚିନିର ସେବନ କମ୍ କରନ୍ତୁ ।
ଗ୍ରୀନ୍ ଟି’ ସହିତ ଅଧିକ ପାଣି ପିଅନ୍ତୁ ।
ଯଦି ଆପଣ ଗ୍ରୀନ୍ ଟି ପିଇବା ହେତୁ କୌଣସି ଅସୁବିଧା ଅନୁଭବ କରନ୍ତି, ତେବେ ତୁରନ୍ତ ଡାକ୍ତରଙ୍କ ସହିତ ପରାମର୍ଶ କରନ୍ତୁ ।
