ପଦ୍ମପୁର : ଆକ୍ସନ ମୋଡରେ ବିଜେପୁର ଓ ପଦ୍ମପୁର ପୋଲିସ । ୨୪ ଘଣ୍ଟାରେ ୩ ଅଭିଯୁକ୍ତଙ୍କୁ ଧରିଲା ପୋଲିସ । ଗତକାଲି ବରଗଡ ବିଜେପୁର ବ୍ଲକ ସମଲାଇପଦର ନର୍ସରୀରେ ଥିବା ଏକ କୂଅରୁ ଜଣେ ବ୍ୟକ୍ତିଙ୍କୁ ଜୀବନ୍ତ ଉଦ୍ଧାର କରାଯାଇଥିଲା । ଚାରି ଦିନ ପରେ ପୁରେନା ଗାଁର ତୁଳସୀରାମ ଭୋଇଙ୍କୁ ଉଦ୍ଧାର କରାଯାଇଥିଲା । ଗତ ରବିବାର ପୂର୍ବାହ୍ନରେ ୫ଜଣ ତୁଳସୀରାମଙ୍କୁ ମାଡ଼ ମାରିବା ପରେ ସେ ମରିଗଲା ଭାବି କୂଅରେ ପକାଇ ଚାଲି ଯାଇଥିଲେ । ତୁଳସୀରାମ ୪ ଦିନ ହେଲା କୂଅ ଭିତରେ ଭୋକଉପାସରେ ଛଟପଟ ହୋଇ ଜୀବନ ସହ ସଂଗ୍ରାମ କରୁଥିଲେ । ଏନେଇ ଖବର ପ୍ରସାରଣ ହୋଇଥିଲା ଏବଂ ଖବର ପ୍ରସାରଣର ୨୪ ଘଣ୍ଟା ନ ପୁରୁଣୁ ପୋଲିସ ଏଥିରେ ସମ୍ପୃକ୍ତ ୩ ଜଣ ଅଭିଯୁକ୍ତଙ୍କୁ ଅଟକ ରଖି ପଚରା ଉଚରା ପରେ ଘଟଣାର ସିନ ରିକ୍ରେଏସନ୍ କରିଛି । ସମ୍ବଲପୁର ସାଇଣ୍ଟିଫିକ ଟିମ୍ ଓ ବିଜେପୁର ପୋଲିସ ମିଶି ଘଟଣାସ୍ଥଳରେ ଛାନ୍ ଭିନ ସହ ସିନ ରିକ୍ରିଏସନ ଦେଖିବାକୁ ମିଳିଛି ।
