ଆଜିଠାରୁ ଶୀତଳ ଷଷ୍ଠୀ ଯାତ୍ରା ଆରମ୍ଭ

ଆଜିଠାରୁ ଆରମ୍ଭ ଶୀତଳ ଷଷ୍ଠୀ ଯାତ୍ରା । ଆଜି ସନ୍ଧ୍ୟାରେ ପତ୍ରପେଣ୍ଡି ପର୍ବ । ଏହାକୁ ମହାଦେବଙ୍କ ପାଇଁ କନ୍ୟାଖୋଜା ପର୍ବ ବୋଲି ମଧ୍ୟ କୁହାଯାଏ । ସନ୍ଧ୍ୟାରେ ସପ୍ତଋଷି ବାହାରି କନ୍ୟା ପିତାମାତାଙ୍କ ଘରେ ପହଞ୍ଚି ଶିବ ପାର୍ବତୀଙ୍କ ବିବାହ ସ୍ଥିର କରିବେ । ନନ୍ଦପଡ଼ାର ବଂବରାଡ଼ ବାଳୁଙ୍କେଶର ବାବାଙ୍କ ପତ୍ରପେଣ୍ଡିରୁ ଶୀତଳଷଷ୍ଠୀ ଯାତ୍ରାର ମୁଖ୍ୟ ପର୍ଯ୍ୟାୟ ଆରମ୍ଭ ହେବ । କନ୍ୟା ସନ୍ଧାନରେ ବାହାରିଥିବା ବାଲୁଙ୍କେଶ୍ବର ବାବାଙ୍କ ପରିବାର ଲୋକଙ୍କୁ ଜଗତଜନନୀ ମାତା ପାର୍ବତୀଙ୍କ ଠିକଣା ମିଳିବା ପରେ ପତ୍ରପେଣ୍ଡି ଅନୁଷ୍ଠିତ ହେବା ସହ ବିବାହ ସ୍ଥିରୀକୃତ ହେବ । ପରଂପରା ଅନୁଯାୟୀ ରାତି ସାଢ଼େ ୭ଟାବେଳେ ବରପିତା ରାମ ପ୍ରସାଦ ମିଶ୍ର ସପ୍ତଋଷି ଓ ପଡ଼ା ମୁରବୀମାନଙ୍କ ସହ ବଂବରାଡ଼ ବାଲୁଙ୍କେଶ୍ବର ବାବାଙ୍କ ପାଇଁ କନ୍ୟା ଖୋଜିବାକୁ ବାହାରିବେ । ଏକ ସୁସଜ୍ଜିତ ରଥରେ ବସିଥିବା ବରପିତା ସରଗି ପତ୍ର, ଦେବଦେବ ମହାଦେବଙ୍କ ବେଲପତ୍ର ଓ ଫୁଲ ଧରି ଝଣ୍ଡା, ଛତ୍ର, ବୈରଖରେ ସଜ୍ଜିତ ଶୋଭାଯାତ୍ରା ଘଣ୍ଟ, ଶଂଖ ଧ୍ବନୀ ମଧ୍ୟରେ ନନ୍ଦପଡ଼ା ବାଲୁ˚କେଶ୍ବର ମନ୍ଦିରରୁ ବାହାରି କନ୍ୟା ଗୃହ ଶାସନକୁ ବାହାରିବେ । ଏହାପରେ ବର ଓ କନ୍ୟାପକ୍ଷ ମଧ୍ୟରେ କଥୋପକଥନ ହେବ । ଉଭୟ ପକ୍ଷ ମଧୢରେ କଥୋପକଥନ ଏବ˚ ବୁଝାମଣା ପରେ ବିବାହ ସ୍ଥିର ହେବ ।