ବାଲେଶ୍ୱର : ଆଜି ବାଲେଶ୍ୱର ଚାନ୍ଦିପୁର କ୍ଷେପଣାସ୍ତ୍ର ପରୀକ୍ଷଣ କେନ୍ଦ୍ରରୁ ପରୀକ୍ଷଣ ହେବ କ୍ଷେପଣାସ୍ତ୍ର । ଏଥିପାଇଁ ପ୍ରଶାସନ ପକ୍ଷରୁ ଚାଲିଛି ବ୍ୟାପକ ପ୍ରସ୍ତୁତି । ପାଖାପାଖି ୧୧ହଜାର ୪ଶହ ୪୨ ଜଣ ଲୋକଙ୍କୁ ସ୍ଥାନାନ୍ତର ପାଇଁ ଜିଲ୍ଲାପ୍ରଶାସନର ନିଷ୍ପତ୍ତି । ଆଖପାଖ ଅଞ୍ଚଳର ଲୋକ ଏବଂ ଗୃହପାଳିତ ପଶୁଙ୍କ ପାଇଁ ଅସ୍ଥାୟୀ ଶିବିରର ବନ୍ଧୋବସ୍ତ କରାଯାଇଛି । ଦିନ ଦୁଇଟା ସୁଦ୍ଧା ଲୋକଙ୍କୁ ସ୍ଥାନାନ୍ତର ପାଇଁ ପ୍ରଶାସନର ନିଷ୍ପତ୍ତି । ଲୋକଙ୍କୁ ସୁରକ୍ଷିତ ଅସ୍ଥାୟୀ ଶିବିରରେ ରଖିବା ପାଇଁ ୪ ଟି ସ୍ଥାନ ଚିହ୍ନଟ କରାଯାଇଛି ।
ବହୁମୁଖୀ ବାତ୍ୟା ଆଶ୍ରୟସ୍ଥଳ ଓ ବର୍ଦ୍ଧନପୁର ହାଇସ୍କୁଲ, ଭିମିପୁର ବହୁମୁଖୀ ବାତ୍ୟା ଆଶ୍ରୟସ୍ଥଳ, ବହୁ ମୁଖୀ ବାତ୍ୟା ଆଶ୍ରୟସ୍ଥଳ ତୁଣ୍ଡରା, ନିଧିପଡ଼ା ସେବାଶ୍ରମରେ ରହିବେ ସ୍ଥାନୀୟ ଲୋକେ । ଅତ୍ୟଧିକ ଗୁଳୁଗୁଳି ଓ ଗରମ ପାଇଁ ଅସ୍ଥାୟୀ ଶିବିର ମାନଙ୍କରେ ଫ୍ୟାନ, ପାନୀୟଜଳ, ଟେଣ୍ଟର ବ୍ୟବସ୍ଥା କରାଯାଇଛି । ଆଇନ ଶୃଙ୍ଖଳା ପାଇଁ ଜିଲ୍ଲା ପ୍ରଶାସନ ପକ୍ଷରୁ ବ୍ୟାପକ ପୁଲିସ ଓ ଅଧିକାରୀ ମାନଙ୍କୁ ବିଭିନ୍ନ ଆଶ୍ରୟ ସ୍ଥଳୀ ମାନଙ୍କରେ ନିୟୋଜିତ କରାଯାଇଛି ।
