ଜ୍ୟେଷ୍ଠ ଅମାବାସ୍ୟାର ରାତି ଅତ୍ୟନ୍ତ ପ୍ରଭାବଶାଳୀ ମନେକରାଯାଏ, କାରଣ ଏହି ଦିନ ଶନିଦେବଙ୍କ ଜନ୍ମ ହୋଇଥିଲା। ଶନି ଗ୍ରହମାନଙ୍କ ମଧ୍ୟରେ ଶକ୍ତିଶାଳୀ ବୋଲି ବିବେଚିତ ହୁଅନ୍ତି। ତାଙ୍କର ଅସନ୍ତୋଷ ଜୀବନରୁ ସୁଖ ଓ ସମୃଦ୍ଧି ଛଡ଼ାଇ ନିଏ।
ଶନି ଅମାବାସ୍ୟା ଦିନ ଯଦି କୌଣସି ଦିବ୍ୟାଙ୍ଗ, ଶ୍ରମିକ କିମ୍ବା ଅସହାୟ ବ୍ୟକ୍ତି ସାହାଯ୍ୟ ପାଇଁ ନେହୁରା ହେଉଥାନ୍ତି, ତେବେ ତାଙ୍କୁ ଅଣଦେଖା କରନ୍ତୁ ନାହିଁ କିମ୍ବା ତନ, ମନ ଓ ବାଣୀ ଦ୍ୱାରା ତାଙ୍କର ଅପମାନ କରନ୍ତୁ ନାହିଁ। ଏପରି କରିବା ଦ୍ୱାରା ଶନିଦେବ ଅସନ୍ତୁଷ୍ଟ ହୋଇପାରନ୍ତି, ଯାହାଫଳରେ ଜୀବନରେ ଆର୍ଥିକ ଏବଂ ଶାରୀରିକ ସମସ୍ୟାର ସାମ୍ନା କରିବାକୁ ପଡ଼ିଥାଏ।
ଶନି ଅମାବାସ୍ୟା ଦିନ ବିଳମ୍ବ ପର୍ଯ୍ୟନ୍ତ ଶୋଇବା ଉଚିତ ନୁହେଁ ଏବଂ ନଖ କିମ୍ବା ବାଳ କାଟିବା ମଧ୍ୟ ଅନୁଚିତ। ମାନ୍ୟତା ରହିଛି ଯେ ଏହାଦ୍ୱାରା ସୌଭାଗ୍ୟ ଦୁର୍ଭାଗ୍ୟରେ ବଦଳିବାକୁ ଲାଗେ। ଏହି ଦିନ ଗଛପତ୍ର ମଧ୍ୟ କଟାକଟି କରନ୍ତୁ ନାହିଁ, ଏହାଦ୍ୱାରା ପିତୃ ଦୋଷ ଲାଗିଥାଏ।
ଶନି ଅମାବାସ୍ୟା ଦିନ ବ୍ୟକ୍ତିଙ୍କୁ ଲୁଣ, ତେଲ କିମ୍ବା ଲୁହା କିଣିବା ଅନୁଚିତ। ଏହା ଅଶୁଭ ଫଳ ପ୍ରଦାନ କରିଥାଏ ଏବଂ ବ୍ୟକ୍ତିଙ୍କୁ ଧନହାନିର ସାମ୍ନା କରିବାକୁ ପଡ଼ିପାରେ।
