ନୂଆଦିଲ୍ଲୀ : ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରଣାଳୟ (MEITY) ଆଧାର କାର୍ଡ ପ୍ରମାଣୀକରଣ ଅନୁରୋଧ ପ୍ରକ୍ରିୟାକୁ ସରଳ ବନେଇବା ପାଇଁ ପାଇଁ ‘ଆଧାର ଗୁଡ୍ ଗଭର୍ନାସ ପୋର୍ଟାଲ’ ଆରମ୍ଭ କରିଛନ୍ତି ଭାରତ ସରକାର ।ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରଣାଳୟ (MEITY) ଅନୁଯାୟୀ, ଏହା ଆଧାରକୁ ଅଧିକ ଲୋକ-ଅନୁକୂଳ କରିବା, ଜୀବନକୁ ସହଜ କରିବା ଏବଂ ଲୋକଙ୍କ ପାଇଁ ସେବାଗୁଡ଼ିକୁ ଉନ୍ନତ ଉପଲବ୍ଧତା ସକ୍ଷମ କରିବା ପ୍ରୟାସ କରିବ।
UIDAI ସିଇଓ ଭୁବନେଶ କୁମାର କହିଛନ୍ତି ଯେ, ଆଧାର ଦେଶର ଡିଜିଟାଲ ଅର୍ଥନୀତିର ଅଭିବୃଦ୍ଧି ହାରକୁ ବୃଦ୍ଧି କରୁଛି। ଆହୁରି ମଧ୍ୟ ସେ କହିଛନ୍ତି, “ର୍ନିଦ୍ଦିଷ୍ଟ ନିୟମ ଅନୁଯାୟୀ ସଂସ୍ଥାଗୁଡ଼ିକ ଦ୍ୱାରା ପ୍ରସ୍ତାବଗୁଡ଼ିକୁ ସହଜରେ ଦାଖଲ ଏବଂ ଅନୁମୋଦନ କରିବା ପାଇଁ ଆଧାର ଗୁଡ୍ ଗଭର୍ନାସ ପୋର୍ଟାଲ ବିକଶିତ କରାଯାଇଛି।”
ଆଧାର ଗୁଡ୍ ଗଭର୍ନାସ ପୋର୍ଟାଲ’ କଣ?
ଏହା ଏକ ଅନଲାଇନ୍ ପ୍ଲାଟଫର୍ମ । ଏହା ମାଧ୍ୟମରେ ସରକାରୀ ବିଭାଗ, ବେସରକାରୀ କମ୍ପାନୀ ଏବଂ ଅନ୍ୟାନ୍ୟ ସଂସ୍ଥା ଏହି ପୋର୍ଟାଲରେ ଆବେଦନ କରିପାରିବେ ଏବଂ ଅନୁମୋଦନ ପାଇବା ପରେ ସେମାନଙ୍କ ସେବାରେ ଆଧାର ପ୍ରମାଣୀକରଣକୁ ଯୋଡିପାରିବେ । ପରିଚୟ ଯାଞ୍ଚକୁ ଶୀଘ୍ର, ସହଜ ଏବଂ ଅଧିକ ସୁରକ୍ଷିତ କରିବାକୁ ଏହା ଲକ୍ଷ୍ୟ ରଖିଛି । ଏହି ପୋର୍ଟାଲ ସ୍ୱାସ୍ଥ୍ୟ, ଶିକ୍ଷା, ଇ-ବାଣିଜ୍ୟ, ଆର୍ଥିକ ସେବା ଏବଂ କର୍ମକ୍ଷେତ୍ର ପରିଚାଳନା ଭଳି କ୍ଷେତ୍ରରେ ଉପଯୋଗୀ ହେବ ଏବଂ ସେବା ଗୁଣବତ୍ତା ଉନ୍ନତି କରିବ । ସଂସ୍ଥାଗୁଡିକ Swik.meity.gov.inକୁ ଯାଇ ପଞ୍ଜୀକୃତ କରିବେ । MeitY ଏବଂ UIDAI ଅନୁଯାୟୀ, ଭବିଷ୍ୟତରେ ଏହି ପୋର୍ଟାଲ୍ ଚେହେରାର ପ୍ରମାଣୀକରଣକୁ ମଧ୍ୟ ସହଜ କରିପାରିବ, ଯେକୌଣସି ସ୍ଥାନରୁ ଆଧାର ଯାଞ୍ଚ କରିବା ସମ୍ଭବ ହେବ ।
