ଉତ୍ତରାଖଣ୍ଡରେ ୪.୯ ତୀବ୍ରତାର ଭୂକମ୍ପ: ଦିଲ୍ଲୀରେ ଝଟ୍‌କା

ନୂଆଦିଲ୍ଲୀ  :  ମଙ୍ଗଳବାର ରାତି ପ୍ରାୟ ୧୦.୨୦ ବେଳେ ଉତ୍ତରାଖଣ୍ଡର ଚମୋଲୀ ଅଂଚଳରେ ଏକ ଭୂକମ୍ପ ଝଟ୍‌କା ଅନୁଭୂତ ହୋଇଥିଲା । ରିକ୍ଟର ସ୍କେଲ୍‌ରେ ଏହାର ତୀବ୍ରତା ୪.୯ ବୋଲି ଜଣାପଡ଼ିଛି । ଏନସିଏସ ପକ୍ଷରୁ ଏହି ଭୂକମ୍ପ ସଂପର୍କରେ ସୂଚନା ଜାରି କରାଯାଇଛି । ରାଜଧାନୀ ଦିଲ୍ଲୀରେ ମଧ୍ୟ ଏହି ଝଟ୍‌କା ଅନୁଭୂତ ହୋଇଥିଲା । ଅଧିକାଂଶ ଲୋକ ରାତିରେ ଘରେ ଥିବାରୁ ଝଟ୍‌କାକୁ ଅନୁଭବ କରିପାରିଥିଲେ । ଏହି ଘଟଣାକୁ ନେଇ କିଛି ସମୟ ଭୟର ବାତାବରଣ ଖେଳି ଯାଇଥିଲା । ତେବେ ଝଟକା ଖୁବ୍ କମ ସମୟ ପାଇଁ ଆସିଥିବାରୁ ଲୋକେ ଘର ଛାଡି ପଦାକୁ ଆସି ନ ଥିଲେ ।