ନିତା ଅମ୍ବାନୀଙ୍କ ପାଇଁ ଦୀର୍ଘ ୩ମାସ ପୂର୍ବରୁ ବ୍ୟାପକ ପ୍ରସ୍ତୁତି ଆରମ୍ଭ ହୋଇଥିଲା । ଏହି କାର୍ଯ୍ୟକ୍ରମ ଯେଭଳି ସୁରୁଖୁରୁରେ ସମ୍ପନ୍ନ ହେବ ସେ ନେଇ କିଟ୍ ଓ କିସ୍ ପ୍ରତିଷ୍ଠାତା କମିଟିକୁ ଆବଶ୍ୟକ ପରାମର୍ଶ ଦେବା ସହ ବ୍ୟକ୍ତିଗତ ଭାବେ କାର୍ଯ୍ୟକ୍ରମର ତଦାରଖ କରୁଛନ୍ତି । ଏହି ସମ୍ମାନରେ ସମ୍ମାନୀତ ବ୍ୟକ୍ତିବିଶେଷ କିମ୍ବା ସଂଗଠନକୁ ଏକ ପ୍ରଶସ୍ତିପତ୍ର ସହ ଏକ ସ୍ୱର୍ଣ୍ଣ ପ୍ରଲେପିତ ଟ୍ରଫି ପ୍ରଦାନ କରାଯାଇଥାଏ । ଏହି ଟ୍ରଫିରେ ଶୁଦ୍ଧତା, ଦୟା, ସମୃଦ୍ଧି ଓ ଆଶାର ଗୁଣ ସହିତ ମାନବିକତାର ଏକ ହୃଦୟ ସ୍ଥାନୀତ ହୋଇଛି । ଏଥିରେ ଦୁଇଟି ହାତ ଗୋଟିଏ ହୃଦୟକୁ ଟେକି ଧରିଥାଏ ଏବଂ ଅନେକ ହାତ ତରଙ୍ଗାୟିତ ହୋଇଥାଏ, ଯାହାକି ଦୁଇଟି ଉତ୍ସର୍ଗୀକୃତ ହାତ କିପରି ଅସହାୟଙ୍କ ଜୀବନରେ ଉଲ୍ଲେଖନୀୟ ପରିବର୍ତ୍ତନ ଆଣିବା ସହ ଜୀବନ ଜିଇଁବା ପାଇଁ ବିଶ୍ୱକୁ ଏକ ଉତ୍ତମ ସ୍ଥାନରେ ପରଣିତ କରିବା ସୂଚୀତ କରିଥାଏ । ପୂର୍ବରୁ ଏହି ସମ୍ମାନଜନକ ପୁରସ୍କାର ଲାଭ କରିଥିବା ବ୍ୟକ୍ତିଙ୍କ ମଧ୍ୟରେ ବିଶ୍ୱର ବହୁ ବିଶିଷ୍ଟ ରାଷ୍ଟ୍ରନେତା, ନୋବେଲ୍ ବିଜେତା ଏବଂ ବିଭିନ୍ନ କ୍ଷେତ୍ରର ବିଶିଷ୍ଟ ବ୍ୟକ୍ତିମାନେ ରହିଛନ୍ତି, ଯାହାକି ଏହି ପୁରସ୍କାରର ବ୍ୟାପକ ଅନ୍ତର୍ଜାତୀୟ ଗ୍ରହଣୀୟତା ଓ ସମ୍ମାନକୁ ସୂଚୀତ କରୁଛି ।
