ଭଦ୍ରକ: ଦୁଃଖ ବଢ଼ାଇଛି ବୈତରଣୀ । ବୈତରଣୀ, କୋଚିଲା ଓ ଗେଙ୍ଗୁଟି ନଦୀର ବନ୍ୟାରେ ଅଧିକ ପ୍ରଭାବିତ ହୋଇଛନ୍ତି ଭଦ୍ରକ ଜିଲ୍ଲାର ଧାମନଗର ବ୍ଲକର ଲୋକ । ଏହି ବ୍ଲକରେ ୨୨ଟି ପଞ୍ଚାୟତର ଲୋକମାନେ ବୈତରଣୀ ଓ ଏହାର ଶାଖା ନଦୀ ବନ୍ୟାରେ କଲବଲ ହେଉଛନ୍ତି । ଏକର ଏକର ଜମିରେ ଧାନ ଚାଷ ସଂପୂର୍ଣ୍ଣ ଉଜୁଡ଼ି ଯାଇଛି । ଧାର କରଜ କରି ଖରିଫ ଧାନ ଚାଷ କରିଥିବା ଚାଷୀମାନେ କିପରି ପରିବାର ଚଳାଇବେ ତାକୁ ନେଇ ଚିନ୍ତା ଘାରିଛି । ଏପରିସ୍ଥଳେ ଅନେକ ବିପନ୍ନଙ୍କୁ ସରକାରଙ୍କ ପକ୍ଷରୁ ରିଲିଫ ସାମଗ୍ରୀ ମିଳିନଥିବା ଅଭିଯୋଗ ହୋଇଛି ।
ଧାମନଗର ବ୍ଲକ ଧୂଷୁରୀ ପଞ୍ଚାୟତ ବିପନ୍ନ ଚାଷୀ ଙ୍କ ସହିତ ଅଧିକ ଆଲୋଚନା କରିଛନ୍ତି ଭଦ୍ରକ ବ୍ୟୁରୋ ହେଡ ନରେନ୍ଦ୍ର ସାମଲ । ବନ୍ୟା କେବଳ ଚାଷ ଜମିକୁ ନୁହେଁ, ଲୋକଙ୍କ ସାଧାରଣ ଜୀବନକୁ ମଧ୍ୟ ପ୍ରଭାବିତ କରିଛି। ଯାତାୟାତରେ ସମସ୍ୟା ଦେଖାଦେବା ସହ ଅନେକ ଅଞ୍ଚଳରେ ଲୋକେ ଜଳବନ୍ଦୀ ହୋଇ ରହିଛନ୍ତି । ଏପରି ସ୍ଥିତିରେ ବିପନ୍ନଙ୍କ ପାଖରେ ରିଲିଫ ସାମଗ୍ରୀ ପହଞ୍ଚାଇବା ଦାବି ଜୋର ଧରିଛି। ଅନେକ ବିପନ୍ନ ପରିବାରକୁ ଏପର୍ଯ୍ୟନ୍ତ ସରକାରୀ ରିଲିଫ ସାମଗ୍ରୀ ମିଳିନଥିବା ଅଭିଯୋଗ ମଧ୍ୟ ହୋଇଛି ।
