Friday, November 20, 2026
21.2 C
Odisha

    ଗୋଲ୍ଡ କାର୍ଡ ଜରିଆରେ ଆମେରିକା କିଣିବ ଭାରତୀୟ ପ୍ରତିଭା

    ଆଗକୁ ପଢନ୍ତୁ

    ନୂଆଦିଲ୍ଲୀ : ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏକ ନୂଆ ‘ଗୋଲ୍ଡ କାର୍ଡ’ ଅଭିଯାନ ଆରମ୍ଭ କରିଛନ୍ତି। ଯାହାର ଉଦ୍ଦେଶ୍ୟ ହେଉଛି ଶୀର୍ଷ ଅନ୍ତର୍ଜାତୀୟ ପ୍ରତିଭା ବିଶେଷ କରି ଭାରତରୁ ଆକୃଷ୍ଟ କରିବା। ହାର୍ଭାର୍ଡ ଓ ଷ୍ଟାନଫୋର୍ଡ ଭଳି ପ୍ରତିଷ୍ଠିତ ଆମେରିକୀୟ ବିଶ୍ୱବିଦ୍ୟାଳୟର ସ୍ନାତକଙ୍କ ସମେତ ବିଦେଶୀ ନାଗରିକମାନେ ୫ ନିୟୁତ ଡଲାର ଦେୟ ବଦଳରେ ଆମେରିକାରେ ରହି କାମ କରିପାରିବେ। ଟ୍ରମ୍ପଙ୍କ ଦ୍ୱାରା ଉନ୍ମୋଚନ କରାଯାଇଥିବା ଏହି ଯୋଜନାରେ ଧନୀ ବିଦେଶୀମାନଙ୍କୁ ଆମେରିକାର ନାଗରିକତା ପାଇଁ ରାସ୍ତା ମିଳିବ। ନୂଆ ପଦକ୍ଷେପ ଅନୁଯାୟୀ ଯୋଗ୍ୟତା ଅର୍ଜନ କରିଥିବା ବ୍ୟକ୍ତିମାନେ ଆମେରିକାରେ କାମ କରିବାର ଅଧିକାର ପାଇପାରିବେ ଏବଂ ପରେ ନାଗରିକତା ହାସଲ କରିପାରିବେ।ଟ୍ରମ୍ପ୍ ଗୁରୁତ୍ୱାରୋପ କରି କହିଛନ୍ତି ଯେ ବର୍ତ୍ତମାନର ଆମେରିକାର ଇମିଗ୍ରେସନ ବ୍ୟବସ୍ଥା ବିଶେଷ କରି ଭାରତର ଦକ୍ଷ ଅନ୍ତର୍ଜାତୀୟ ପ୍ରତିଭାଙ୍କ ଦେଶରେ ରହିବାର କ୍ଷମତାକୁ ସୀମିତ କରିଛି। ଆମେରିକୀୟ କମ୍ପାନିମାନଙ୍କଠାରୁ ଚାକିରି ଅଫର ପାଇଥିବା ପ୍ରତିଭାବାନ ବ୍ୟକ୍ତିମାନେ ଯେଉଁମାନେ ଇମିଗ୍ରେସନ ସ୍ଥିତିକୁ ନେଇ ଅନିଶ୍ଚିତତା କାରଣରୁ ସେହି ଅଫରଗୁଡ଼ିକୁ ପ୍ରତ୍ୟାହାର କରିବା ପାଇଁ ସମ୍ମୁଖୀନ ହେଉଥିବା ଆହ୍ୱାନ ଉପରେ ସେ ଆଲୋକପାତ କରିଥିଲେ। ପ୍ରସ୍ତାବିତ ଗୋଲ୍ଡ କାର୍ଡ ଦ୍ୱାରା କମ୍ପାନୀମାନେ କାର୍ଡ କିଣି ଶୀର୍ଷ ବିଶ୍ୱବିଦ୍ୟାଳୟରୁ ପ୍ରତିଭାଙ୍କୁ ନିଯୁକ୍ତି ଦେଇପାରିବେ। ପ୍ରାୟ ଦୁଇ ସପ୍ତାହ ମଧ୍ୟରେ ଗୋଲ୍ଡ କାର୍ଡ ବିକ୍ରି ଆରମ୍ଭ ହେବ ବୋଲି ଆଶା କରାଯାଉଛି। ଏହି ଗୋଲ୍ଡ କାର୍ଡ ସରକାରଙ୍କ ବର୍ତ୍ତମାନର ଇବି-୫ ଇମିଗ୍ରାଣ୍ଟ ଇନଭେଷ୍ଟର ଭିସା ପ୍ରୋଗ୍ରାମର ସ୍ଥାନ ନେବ, ଯାହା କି ୧୯୯୦ରେ ଆରମ୍ଭ ହୋଇଥିଲା।

    ଅନ୍ୟାନ୍ୟ ଖବର

    ପାଣିପାଗ

    Odisha
    light rain
    21.2 ° C
    21.2 °
    21.2 °
    99 %
    1.3kmh
    100 %
    Fri
    21 °
    Sat
    26 °
    Sun
    28 °
    Mon
    28 °
    Tue
    27 °

    ସମ୍ବନ୍ଧିତ