ଭୁବନେଶ୍ୱର : ଲୁହା ଗ୍ରିଲରେ ଚଢ଼ି ଖେଳୁଥିବା ବେଳେ ଅଘଟଣ । ୯ ବର୍ଷର ଛାତ୍ର ହାତରେ ପଶିଗଲା ଲୁହା ରଡ଼ । ଭୁବନେଶ୍ବର ବଡ଼ଗଡ଼ ଅଞ୍ଚଳରୁ ଆସିଲା ଖବର । ବରଗଡ଼ ଅଞ୍ଚଳର ଶେଖ ମୁକତାର ବରଗଡ଼ ସ୍କୁଲ ପାଚେରୀ ପାଖ ଲୁହା ଗ୍ରିଲ ଚଢ଼ି ସାଙ୍ଗଙ୍କ ସହ ଖେଳୁଥିବା ବେଳେ ଅସାବଧାନତା ଯୋଗୁ ହାତରେ ଲୁହା ରଡ ପଶିଯାଇଛି । ଘଟଣାସ୍ଥଳରେ ବରଗଡ଼ ପୋଲିସ , ଅଗ୍ନିଶମ ବାହିନୀ ପହଞ୍ଚି ଲୁହା ରଡ଼କୁ କାଟି ନାବାଳକକୁ ଉଦ୍ଧାର କରିଛନ୍ତି । ଉଦ୍ଧାର ପରେ ଘରଇ ହସ୍ପିଟାଲରେ ଅସ୍ତ୍ରୋପଚାର ଚାଲିଛି ।
ଡାକ୍ତରଙ୍କ କହିବା ମୁତାବକ ଲୁହା ଗ୍ରୀଲ ପଶି ପାପୁଲି ଭିତର ହେଇ ଆଙ୍ଗୁଠିରେ ବାହାରିଛି । ଅଗ୍ନିଶମ ବାହିନୀ ଓ ପୋଲିସ ସହାୟତାରେ ନାବାଳକଙ୍କୁ ଗ୍ରୀଲ ସହ କାଟିକି ଆଣିଛନ୍ତି । କିନ୍ତୁ ମୋଟା ଲୁହା ପଶିଥିବାରୁ ପ୍ରାଥମିକ ଚିକିତ୍ସା କରି OT ରେ ଭର୍ତ୍ତି କରିଛୁ । ବର୍ତ୍ତମାନ ଚିକିତ୍ସା ଆରମ୍ଭ ହୋଇସାରିଛି । ହାତର ଅବସ୍ଥା କ୍ରିଟିକାଲ ରହିଛି । ରକ୍ତ ସଞ୍ଚାଳନରେ ମଧ୍ୟ ସମସ୍ୟା ରହିଛି । ଅପରେସନ ପରେ ହିଁ ଜଣା ପଡିବ ହାତର ଅବସ୍ଥା କଣ ହେବ ।
