ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବେ ସିକ୍କିମ ଗସ୍ତରେ ରହିଛନ୍ତି । ପ୍ରଧାନମନ୍ତ୍ରୀ ମୋଦି ସିକ୍କିମର ୫୦ତମ ସ୍ଥାପନା ଦିବସ ସମାରୋହରେ ସାମିଲ ହୋଇଛନ୍ତି । ଏହାପୂର୍ବରୁ ପ୍ରଧାନମନ୍ତ୍ରୀ ଗ୍ୟାଙ୍ଗଟକର ଯୁବପିଢିଙ୍କ ସହିତ ଫୁଟବଲ୍ ଖେଳିଛନ୍ତି । ଯାହାର ଫଟୋ ସୋସିଆଲ ମିଡିଆରେ ସେୟାର କରିଛନ୍ତି ନିଜେ ମୋଦି ।
ପ୍ରଧାନମନ୍ତ୍ରୀ ଫଟୋ ପୋଷ୍ଟ କରି କହିଛନ୍ତି, ‘ଗ୍ୟାଙ୍ଗଟକରେ ସୁନ୍ଦର ସକାଳ, ସିକ୍କିମରେ ମୋର ଛୋଟ ବନ୍ଧୁଙ୍କ ସହିତ ଫୁଟବଲ ଖେଳିବାର ମଜା କିଛି ଅଲଗା’…. ।
ଅନ୍ୟ ଏକ ପୋଷ୍ଟରେ ମୋଦି କହିଛନ୍ତି, ସତରେ ଏହି ଯୁବପିଢିଙ୍କ ସହିତ ଫୁଟବଲ ଖେଳିବାର ଜବରଦସ୍ତ ସେସନ୍ ।
ଗତକାଲି ସନ୍ଧ୍ୟାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସିକ୍କିମର ରାଜଧାନୀ ଗ୍ୟାଙ୍ଗଟକରେ ପହଞ୍ଚିଥିଲେ । ସେଠାରେ ହେଲିପ୍ୟାଡରୁ ଲୋକଭବନ ପର୍ଯ୍ୟନ୍ତ ରୋଡ୍ ଶୋ କରିଥିଲେ । ପ୍ରଧାନମନ୍ତ୍ରୀଙ୍କ ଗୋଟିଏ ମାତ୍ର ଝଲକ ପାଇବା ପାଇଁ ରାସ୍ତାରେ ଅନେଡ ଭିଡ ଜମିଥିଲା । ଆଜି ମୋଦି ଗ୍ୟାଙ୍ଗଟକ୍ ସ୍ଥିତ ଆର୍କିଡୋରିୟମ ଗସ୍ତ କରିବେ । ଏହାସହିତ ସିକ୍କିମର ୫୦ତମ ସ୍ଥାପନା ଦିବସ କାର୍ଯ୍ୟକ୍ରମରେ ଯୋଗ ଦେବେ । ଏହିସମୟରେ ୪ ହଜାର କୋଟିରୁ ଅଧିକ ଟଙ୍କାର ବିକାଶ ଯୋଜନା ଉଦ୍ଘାଟନ କରିବେ ।
