କିଛି ଘର ଏପରି ଅଞ୍ଚଳରେ ଅବସ୍ଥିତ ଯେଉଁଠାରେ ସାପ ପ୍ରାୟତଃ ଦେଖାଯାଏ। ଆଉ ଏହି ଭୟ ଲୋକଙ୍କୁ ଶାନ୍ତିରେ ଶୁଆଇ ଦେଇନଥାଏ। ଯଦି ଆପଣ ଏହି ସମସ୍ୟାର ସମ୍ମୁଖୀନ ହେଉଛନ୍ତି, ତେବେ ବିଶେଷଜ୍ଞଙ୍କ ଦ୍ୱାରା କୁହାଯାଇଥିବା, ଏହି ଗଛଗୁଡ଼ିକ ଆପଣଙ୍କ ଘର ଚାରିପାଖରେ ଲଗାନ୍ତୁ। ଏହା ସାପଙ୍କ ସମ୍ଭାବନାକୁ ବହୁ ପରିମାଣରେ ହ୍ରାସ କରିବ। ରାୟବରେଲିର ଗୃହ ବିଜ୍ଞାନ ମୁଖପାତ୍ର ଅରୁଣ କୁମାର ସିଂହ କହିଛନ୍ତି ଯେ, ସାପଙ୍କଠୁ ବଞ୍ଚିବା ପାଇଁ କିଛି ଗଛ, ଯେପରିକି ସ୍ନେକ ପ୍ଲାଣ୍ଟ, ନାଗଦୋନ ଗଛ, କାକ୍ଟସ ବା ସପ୍ତଫେଣୀ ଏବଂ ଗେଣ୍ଡୁଗଛ ଭଳି ଗଛ ଲଗାଇପାରିବେ।
ଖରା, ବର୍ଷା କିମ୍ବା ଶୀତ ଋତୁ ହେଉ, ଘରେ ସାପ ପ୍ରବେଶ କରିବାର ବିପଦ ଏକ ନିରନ୍ତର ବିପଦ ହୋଇ ରହିଛି। ଫଳସ୍ୱରୂପ, ଲୋକମାନେ ସାପଙ୍କ ସମ୍ଭାବନା ବିଷୟରେ ଚିନ୍ତିତ ରୁହନ୍ତି। ସେମାନେ ନିଜକୁ ସୁରକ୍ଷା ଦେବା ପାଇଁ ବିଭିନ୍ନ ପ୍ରତିରୋଧକ ପଦକ୍ଷେପ ଗ୍ରହଣ କରନ୍ତି। ଏପରି ମଧ୍ୟ ଲୋକ ଅଛନ୍ତି ଯେଉଁମାନେ ସେମାନଙ୍କ ଘର ଚାରିପାଖରେ ଏପରି ଗଛ ଲଗାନ୍ତି, ଯାହା ସେମାନଙ୍କ ଆଖ ପାଖରେ ବି ସାପରୁ ମାଡ଼ିବାକୁ ଦିଅନ୍ତିନି ।
ସର୍ପଗନ୍ଧା : ହେଉଛି ଏକ ଗଛ ଯାହାର ବାସ୍ନା ସାପଙ୍କୁ ଘଉଡ଼ାଇଦିଏ। ଯଦି ଆପଣ ଏହାକୁ ଆପଣଙ୍କ ଘରେ ଏକ ପାତ୍ର କିମ୍ବା ଫୁଲଗଛରେ ଲଗାନ୍ତି, ତେବେ ଘରର କୋଶ ଦୂରରୁ ସାପ ଦେଖାଦେବେ ନାହିଁ ।
ଗେଣ୍ଡୁ ଫୁଲ : ଗେଣ୍ଡୁ ଫୁଲ ଏପରି ଏକ ଫୁଲ ଯାହା ଏହାର ଅନେକ ଔଷଧୀୟ ଗୁଣ ସହିତ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମରେ ସାଜସଜ୍ଜା ଭାବରେ ମଧ୍ୟ ବ୍ୟବହାର କରାଯାଏ। ଏହି ଫୁଲକୁ ଆପଣଙ୍କ ବାଲକୋନି କିମ୍ବା ଟେରାସରେ ଏକ ପାତ୍ରରେ ଲଗାଇବା ଦ୍ୱାରା ସାପମାନଙ୍କୁ ଆପଣଙ୍କ ଘରୁ ଦୂରେଇ ରଖିବାରେ ସାହାଯ୍ୟ କରିବ, କାରଣ ଏହାର ବାସ୍ନା ସେମାନଙ୍କ ପାଇଁ ବିଷ ଭାବରେ କାର୍ଯ୍ୟ କରେ, ସେମାନଙ୍କୁ ଘରକୁ ଆସିବାରୁ ରୋକିଥାଏ।
କ୍ୟାକ୍ଟସ୍ ବା ସପ୍ତଫେଣୀ ଗଛ : ବାଲିଆ ଅଞ୍ଚଳରେ ମିଳୁଥିବା କ୍ୟାକ୍ଟସ୍ ବା ସପ୍ତଫେଣୀ ଗଛ ଆମକୁ ସାପ ବିପଦରୁ ମଧ୍ୟ ରକ୍ଷା କରେ। ଆପଣଙ୍କ ବଗିଚା କିମ୍ବା ଟେରାସର ଏକ ପାତ୍ରରେ ଏହି କଣ୍ଟାଯୁକ୍ତ ଗଛ ଲଗାଇବା ଦ୍ୱାରା ସାପମାନଙ୍କୁ ଆପଣଙ୍କ ଘରୁ ଦୂରେଇ ରଖିବାରେ ସାହାଯ୍ୟ ମିଳିବ, କାରଣ ଏହାର ତୀବ୍ର ବାସ୍ନା ସାପମାନଙ୍କୁ ବିଲକୁଲ ପସନ୍ଦ ନୁହେଁ। ଏହା ବ୍ୟତୀତ, ଏହାର କଣ୍ଟା ଯୋଗୁଁ ସାପ ଏହାର ଆଖପାଖରେ ବି ଦେଖାଯାନ୍ତି ନାହିଁ ।
ସ୍ନେକ ପ୍ଲାଣ୍ଟ : ସ୍ନେକ ପ୍ଲାଣ୍ଟକୁ ଘର ଭିତରେ ମଧ୍ୟ ଲଗାଯାଇପାରିବ। ଏହାର ନାପ ଯେପରି, ଏହାର କାର୍ଯ୍ୟ ବି ସେହିପରି। ପାତ୍ର କିମ୍ବା ବଗିଚାରେ ଏହି ଗଛ ଲଗାଇବା ଦ୍ୱାରା ସାପମାନେ ଦୂରରୁ ଦଣ୍ଡବତ କରିଥାନ୍ତି।
ନାଗଦୋନ : ନାଗଦୋନ ଗଛ ହେଉଛି ଏକ ଗଛ ଯାହାର ବାସ୍ନା ସାପମାନଙ୍କୁ ଆଦୌ ଆକର୍ଷଣୀୟ ନୁହେଁ, ଏବଂ ଏହା ହିଁ ସେମାନଙ୍କୁ ଦୂରେଇ ଦିଏ। ଏହି ଗଛକୁ ଆପଣଙ୍କ ଅଗଣା, ବାଲକୋନି କିମ୍ବା ବଗିଚାରେ ଲଗାଇବା ଦ୍ୱାରା ସାପଙ୍କ ଭୟ ଦୂର ହେବ।
