ନୂଆଦିଲ୍ଲୀ : ଦିଲ୍ଲୀର ଆଦର୍ଶ ନଗର ଅଞ୍ଚଳରେ ଥିବା ଦିଲ୍ଲୀ ମେଟ୍ରୋ ଷ୍ଟାଫ୍ କ୍ୱାର୍ଟର୍ସରେ ଏକ ଭୟଙ୍କର ଅଗ୍ନିକାଣ୍ଡ ଘଟିଛି । ଏହି ଘଟଣାରେ ସ୍ୱାମୀ, ସ୍ତ୍ରୀ ଏବଂ ଏକ ଶିଶୁର ଦୁଃଖଦ ମୃତ୍ୟୁ ହୋଇଛି । ତିନି ଜଣଙ୍କ ମୃତଦେହ ଦଗ୍ଧ ଅବସ୍ଥାରେ ମିଳିଛି । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ଅଗ୍ନିଶମ ବିଭାଗ ଅନୁଯାୟୀ, ଡିଏମଆରସି କ୍ୱାର୍ଟରରେ ଘରର ଜିନିଷପତ୍ରରେ ନିଆଁ ଲାଗିବା ବିଷୟରେ ସେମାନେ ବିଳମ୍ବିତ ରାତି ୨ ଟା ୩୯ ରେ ଏକ ଫୋନ୍ ପାଇଥିଲେ। ନିଆଁ ଲିଭାଇବା ପାଇଁ ଘଟଣାସ୍ଥଳକୁ ଛଅଟି ଗାଡ଼ି ପଠାଯାଇଥିଲା। ପଞ୍ଚମ ମହଲାରେ ନିଆଁ ଲାଗିଥିଲା। ଅଗ୍ନିଶମ କର୍ମଚାରୀମାନେ ପହଞ୍ଚିବା ପରେ ସେମାନେ ତିନି ଜଣଙ୍କ ପୁରା ଜଳିଯାଇଥିବା ଦେଖାଯାଇଥିଲା । ମୃତକଙ୍କ ନାମ ୪୨ ବର୍ଷୀୟ ଅଜୟ, ୩୮ ବର୍ଷୀୟ ନୀଲମ ଏବଂ ୧୦ ବର୍ଷୀୟ ଜାହ୍ନବୀ ବୋଲି ଚିହ୍ନଟ କରାଯାଇଛି । ପୋଲିସ ଘଟଣାର ତଦନ୍ତ କରୁଛି। ଦିଲ୍ଲୀର ଆଦର୍ଶ ନଗର ଅଞ୍ଚଳରେ ଏହି ଘଟଣା ଘଟିଛି । ଡିଏମଆରସି କ୍ୱାର୍ଟରଗୁଡ଼ିକ ମଜଲିସ୍ ପାର୍କ ମେଟ୍ରୋ ଷ୍ଟେସନ ନିକଟରେ ଅବସ୍ଥିତ । ଏହି ଘଟଣାରେ ସ୍ୱାମୀ, ସ୍ତ୍ରୀ ଏବଂ ଛୁଆ ପୋଡ଼ିଯାଇ ପ୍ରାଣ ହରାଇଛନ୍ତି । ତେବେ କେଉଁ ପରିସ୍ଥିତିରେ ନିଆଁ ଲାଗିଲା ତାହା ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇପାରି ନାହିଁ ।
