ଉମରକୋଟ: ବସ୍ ଡ୍ରାଇଭରଙ୍କୁ ଛୁରାମାଡ଼ । ଜଣେ ବସ୍ ଡ୍ରାଇଭରଙ୍କୁ ଛୁରାମାଡ କରି ଫେରାର ହୋଇଯାଇଛନ୍ତି ଦୁର୍ବୃତ୍ତ । ଡ୍ରାଇଭର ଜଣକ ହେଲେ ଫୁପ୍ଲିନ ଚନ୍ଦ୍ର ନାୟକ । ଉମରକୋଟ ଟ୍ୟାକ୍ସି ଷ୍ଟାଣ୍ଡ ନିକଟରେ ଘଟିଛି ଘଟଣା । ସେ MSB ନାମକ ଏକ ଘରୋଇ ବସ୍ ରେ ଡ୍ରାଇଭର ଭାବରେ କାମ କରୁଥିଲେ ।
ସୂଚନା ଅନୁସାରେ ଆଜି ସକାଳୁ ଶୌଚ ଯାଇଥିବା ବେଳେ ଟ୍ୟାକ୍ସି ଷ୍ଟାଣ୍ଡ ନିକଟକୁ ଯାଇଥିଲେ । ସେଠାରେ ଜଣେ ଦୁର୍ବୃତ୍ତ ହେଲମେଟ୍ ପିନ୍ଧି ବାଇକ୍ ରେ ଆସି ଫୁପ୍ଲିନ୍ କୁ ଛୁରା ମାଡ଼ କରି ଫେରାର ହେଇଯାଇଛି । ଗୁରୁତର ଅବସ୍ଥାରେ ଫୁପ୍ଲିନ୍ ଙ୍କୁ ଉମରକୋଟ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି । ପୂର୍ବ ଶତ୍ରୁତାକୁ କେନ୍ଦ୍ରକରି ଆକ୍ରମଣ ହୋଇଥିବା ଅନୁମାନ । ଘଟଣାସ୍ଥଳରେ ଉମରକୋଟ ପୋଲିସର ତଦନ୍ତ ଆରମ୍ଭ । ଫୁପ୍ଲିନଙ୍କ ଅବସ୍ଥା ଗୁରୁତର ହୋଇଥିବାରୁ ତାଙ୍କୁ କୋରାପୁଟ ସହିଦ ଲକ୍ଷ୍ମଣ ନାୟକ ମେଡିକାଲ କଲେଜକୁ ସ୍ଥାନାନ୍ତର କରାଯାଇଛି ।
