ନୂଆଦିଲ୍ଲୀ : ଦିଲ୍ଲୀ ବିଧାନସଭା ସୁରକ୍ଷାରେ ବଡ଼ ତ୍ରୁଟି । ଗେଟ୍ ଭାଙ୍ଗି ବିଧାନସଭା ଭିତରକୁ ପଶିଲା କାର୍ । ଗେଟ୍ ୨ ଭାଙ୍ଗି ଗାଡ଼ି ଭିତରେ ପଶିଛି । ଆଉ ତୁରନ୍ତ ସେଠାରୁ ଫେରାର ହୋଇଯାଇଛି । ଯାହାକୁ ନେଇ ବିଧାନସଭାର ସୁରକ୍ଷା ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି ।
ବିଧାନସଭା ଅଫିସ ଅନୁଯାୟୀ, ଆଜି ଅପରାହ୍ନ ୨ଟା ସମୟରେ ଭିଆଇପି ଗେଟ୍ ସାମ୍ନାରେ ଦ୍ରୁତ ଗତିରେ ଆସି ଏକ କାର ଗେଟକୁ ଧକ୍କା ଦେଇ ଭାଙ୍ଗିବା ପରେ ବିଧାନସଭା ପରିସରକୁ ପଶିଥିଲା । ଆଉ ବିଧାନସଭା ସ୍ପିକରଙ୍କ ଗାଡି ପାଖରେ ଫୁଲତୋଡା ଏବଂ କିଛି କାଗଜ ରଖି ସେଠାରୁ କାର୍ ସହ ଖସିଯିବାରେ ସକ୍ଷମ ହୋଇଛି । ଏହି ଘଟଣା ରାଜ୍ୟ ବିଧାନସଭା ସୁରକ୍ଷା ପ୍ରୋଟୋକଲ ଉପରେ ବଡ଼ ପ୍ରଶ୍ନବାଚୀ ସୃଷ୍ଟି କରିଛି।
ଅଭିଯୁକ୍ତ ଦିଲ୍ଲୀ ବିଧାନସଭା ଗେଟ ସଂଖ୍ୟା ୨କୁ ଧକ୍କା ଦେଇ ଖସିଯାଇଛି । ପୋଲିସ ମାମଲାରେ ତୁରନ୍ତ ଆକ୍ସନ ନେଇ ଗାଡ଼ିର ଖୋଜ ଆରମ୍ଭ କରିଛି । ଦିଲ୍ଲୀ ପୋଲିସର ସୂଚନା ଅନୁସାରେ, ଉତ୍ତର ପ୍ରଦେଶ ପଞ୍ଜିକୃତ ନମ୍ବର ଥିବା ଏକ ଗାଡ଼ି ଲୁହା ଗେଟ ଭାଙ୍ଗି ଗେଟ ନମ୍ବର ୨ରେ ପଶିଥିଲା । ଡ୍ରାଇଭର ସେଠାରେ ଫୁଲତୋଡ଼ା ରଖିଥିଲା ଏବଂ ସେଠାରୁ ଚାଲିଯାଇଥିଲା। ପୋଲିସ ଗାଡ଼ିର ତଲାସୀ ଜାରି ରଖିଛି ।
