ଚାଲାଣ ବେଳେ ଜଣେ ଶିଶୁ ଓ ୬ ଦାଦନ ଶ୍ରମିକ ଉଦ୍ଧାର

ପାଟଣାଗଡ଼ : ଦାଦନ ଶ୍ରମିକ ଉଦ୍ଧାର, ଜେଲ ଗଲେ ଦଲାଲ । ବନ୍ଦ ହେଉନି ରାଜ୍ୟରୁ ଦାଦନ ଚାଲାଣ । ଆଜି ବେଆଇନ ଚାଲାଣ ବେଳେ ଜଣେ ଶିଶୁ ଓ ୬ ଜଣ ଦାଦନ ଶ୍ରମିକଙ୍କୁ ଉଦ୍ଧାର କରିଛି ପାଟଣାଗଡ଼ ଥାନା ପୋଲିସ । ବିଶ୍ଵସ୍ତ ସୂତ୍ରରୁ ଖବର ପାଇ ପହଞ୍ଚିଥିଲା ପାଟଣାଗଡ଼ ପୋଲିସ । ବାଞ୍ଜିଝାଲ ଛକ ନିକଟରୁ ସମସ୍ତଙ୍କୁ ଉଦ୍ଧାର କରିଥିଲା । ଘଟଣାରେ ଦୁଇ ଜଣ ଦାଦନ ଦଲାଲଙ୍କୁ ଗିରଫ କରାଯାଇଛି । ନିଲଜିବାହାଲ ଗାଁ ର ଦାଦନ ସର୍ଦାର ଗୋପାଳ ବରିହା ଓ ଡୁମେରପଦର ଗାଁ ର ବୀରେନ୍ଦ୍ର ବରିହା ଙ୍କୁ ଗିରଫ କରି କୋର୍ଟ ଚାଲାଣ କରିଛି ପାଟଣାଗଡ଼ ପୋଲିସ । ସମସ୍ତ ଦାଦନ ଶ୍ରମିକ ଡୁମେରପଦର ଗାଁର । ସେମାନଙ୍କୁ ନିଜ ଘରକୁ ପଠାଇ ଦିଆ ଯାଇଥିବା କହିଛନ୍ତି ପାଟଣାଗଡ଼ ଥାନା ଅଧିକାରୀ ।