ଜେନ୍-ଜି ପିଢିର ଲୋକଙ୍କ ମଧ୍ୟରେ ଡାଏଟ୍ କୋଲ୍ଡ ଡ୍ରିଙ୍କସର ଲୋକପ୍ରିୟତା ବେଶୀ ମାତ୍ରାରେ ଦେଖିବାକୁ ମିଳୁଛି । ବିଶେଷ କରି ଜେନ୍-ଜେଡର ଲୋକମାନେ ଏହାକୁ ଖୁବ୍ ପସନ୍ଦ କରିଥାନ୍ତି । କିଛି ଲୋକ ଡାଏଟ୍ କୋଲ୍ଡ-ଡ୍ରିଙ୍କସର କ୍ଷତି ସମ୍ପର୍କରେ ଜାଣନ୍ତି । କିନ୍ତୁ ଆଉ କିଛି ଯୁବପିଢିଙ୍କ ମଧ୍ୟରେ ଏହାର ନିଶା ବଢିବାରେ ଲାଗିଛି ।
ଏହି ପିଇବା ଦ୍ୱାରା ପାଟି ବଧିରା ଏବଂ ଝିମଝିମ ଅନୁଭବ ହୋଇଥାଏ । ତେଣୁ ଅଧିକାଂଶ ଲୋକେ ଏବେ ଏହାକୁ ’ଫ୍ରିଜ୍ ସିଗାରେଟ୍ ’କହୁଛନ୍ତି । ଯେତେବେଳେ କ୍ଲାନ୍ତ, ଟେନସନ କିମ୍ବା ବ୍ରେକ୍ ନେଇଥାନ୍ତି ସେମାନେ ଡାଏଟ୍ କୋଲ୍ଡ ଡ୍ରିଙ୍କସ୍ ପିଅନ୍ତି । ଯେମିତି ବ୍ରେକ୍ ଟାଇମରେ କଫି କିମ୍ବା ସିଗାରେଟ୍ ପିଅନ୍ତି । ଏହି ଡାଏଟ୍ କୋଲ୍ଡ ଡ୍ରିଙ୍କସ୍ ପିଇବା ଦ୍ବାରା ଲୋକମାନେ ନିଶାଗ୍ରସ୍ତ ହୋଇଯାଆନ୍ତି । ତେବେ ଏହା ସମ୍ପର୍କରେ ସ୍ୱାସ୍ଥ୍ୟ ବିଶେଷଜ୍ଞମାନେ କ’ଣ କୁହନ୍ତି ଆସନ୍ତୁ ଜାଣିବା ।
ଡାଏଟ୍ କୋଲ୍ଡ ଡ୍ରିଙ୍କସରେ ଚିନି ନଥାଏ । କିନ୍ତୁ କୋଲା ଅପେକ୍ଷା କମ୍ କ୍ୟାଲୋରୀ ଥାଏ । ତା’ ଅର୍ଥ ନୁହେଁ ଯେ ଏହା ଆମ ସ୍ବାସ୍ଥ୍ୟ ପାନୀୟ । ଏଥିରେ ଆସ୍ପାର୍ଟେମ୍ ଏବଂ ଆସେସଲଫେମ୍ ପୋଟାସିୟମ୍ ଭଳି କୃତ୍ରିମ ମିଠା ରହିଥାଏ । ଯାହା ମେଟାବୋଲିଜିୟମ୍ ଏବଂ ଅନ୍ତନଳୀ ସ୍ବାସ୍ଥ୍ୟକୁ ପ୍ରଭାବିତ କରିଥାଏ ।
ବିଶେଷଜ୍ଞ ମତରେ ଅଧିକ ଆସପାର୍ଟେମ୍ ଶରୀର ପାଇଁ କ୍ଷତିକାରକ ହୋଇଥାଏ । ଯଦି ଜଣେ ବ୍ୟକ୍ତି ୭୦ କିଲୋଗ୍ରାମ ଓଜନର ହୁଅନ୍ତି, ତେବେ ନିରାପଦ ପରିମାଣ ଅତିକ୍ରମ କରିବା ପାଇଁ ତାଙ୍କୁ ଦିନକୁ ୯ ରୁ ୧୪ କ୍ୟାନ୍ ଡାଏଟ୍ କୋଲ୍ଡ ଡ୍ରିଙ୍କସ୍ ପିଇବାକୁ ପଡିବ ।
ଏଥିରେ ଥିବା ଆସପାର୍ଟେମ୍ ଯୋଗୁଁ ଅଧିକ ଓଜନ, ମଧୁମେହ କିମ୍ବା ଇନସୁଲିନ୍ ପ୍ରତିରୋଧୀ ଲୋକଙ୍କ ପାଇଁ ଏହି ପାନୀୟ ଭଲ ବିକଳ୍ପ ହୋଇଥାଏ । କିନ୍ତୁ ପ୍ରେଗନେଣ୍ଟ ମହିଳା ଏବଂ ମାଇଗ୍ରେନ୍ ରୋଗରେ ପୀଡିତ ଥିବା ବ୍ୟକ୍ତିଙ୍କ ପାଇଁ ଏହା ଆଦୌ ନିରାପଦ ହୋଇନଥାଏ । ଆସ୍ପାର୍ଟେମ୍ ଅନ୍ତନଳୀର ଜୀବାଣୁକୁ ମଧ୍ୟ ପ୍ରଭାବିତ କରିପାରେ । ଏହା ଛଡ଼ା ଶରୀରର ଗ୍ଲୁକୋଜ୍ ନିୟନ୍ତ୍ରଣ କରିବାର କ୍ଷମତାକୁ ନଷ୍ଟ କରିପାରେ ଏବଂ ଚିନି ଲାଳସାକୁ ବୃଦ୍ଧି କରିଥାଏ ।
ଡାଏଟ୍ କୋଲ୍ଡ ଡ୍ରିଙ୍କସ୍ ପିଇବା ଦ୍ଵାରା ସାମାନ୍ୟ ଡୋପାମିନ୍ ବୃଦ୍ଧି ହୋଇପାରେ । ଏହାର ପ୍ରଭାବ ନିକୋଟିନ୍ କିମ୍ବା କଫି ତୁଳନାରେ ବହୁତ କମ୍ ହୋଇଥାଏ । ଏହାର ପ୍ରକୃତ ପ୍ରଭାବ ପାନୀୟରୁ ନୁହେଁ, ବରଂ ଏହାକୁ ପିଇବା ଅଭ୍ୟାସରୁ ହୋଇଥାଏ ।
ବେଳେବେଳେ ଡାଏଟ୍ କୋଲ୍ଡ ଡ୍ରିଙ୍କସ୍ ପିଇବା ଠିକ୍, କିନ୍ତୁ ଚାପ ସମୟରେ ଏହା ଉପରେ ନିର୍ଭରଶୀଳ ହେବା ଏକ ସମସ୍ୟା ହୋଇପାରେ। ଯଦି ଆପଣ ଏହାକୁ ବନ୍ଦ କରିପାରୁନାହାଁନ୍ତି ଏବଂ ଏହା ଆପଣଙ୍କ ମନୋଭାବ ଏବଂ ଦୈନନ୍ଦିନ ଜୀବନଶୈଳୀକୁ ପ୍ରଭାବିତ କରିଥାଏ ।
ଯଦି ଆପଣ ଡାଏଟ୍ କୋଲ୍ଡ ଡ୍ରିଙ୍କସ୍ ପିଇବାକୁ କମ କରିବାକୁ ଚାହାଁନ୍ତି, ତେବେ ଆପଣ ସ୍ପାର୍କଲିଂ ପାଣି, କୋମ୍ବୁଚା କିମ୍ବା ହର୍ବାଲ୍ ଆଇସ୍ଡ୍ ଟି ଭଳି ଫିଜି ପାନୀୟ ପିଇପାରିବେ । ବିଶେଷଜ୍ଞମାନେ କୁହନ୍ତି ଯେ ପ୍ରତିଦିନ ହାଲୁକା ବ୍ୟାୟାମ ଆପଣଙ୍କ ସ୍ୱାସ୍ଥ୍ୟକୁ ଉନ୍ନତ କରିପାରିବ ।
