ନୂଆଦିଲ୍ଲୀ : ଜାତୀୟ ଟେଷ୍ଟିଂ ଏଜେନ୍ସି ପକ୍ଷରୁ ଜେଇଇ ମେନ ୨୦୨୫ ପ୍ରଥମ ସେସନର ପରୀକ୍ଷାଫଳ ପ୍ରକାଶ ପାଇଛି । ଛାତ୍ରଛାତ୍ରୀମାନେ jeemain.nta.nic.inରେ ଏହି ପରୀକ୍ଷାର ଫଳାଫଳ ପାଇପାରିବେ । ଏହି ଓ୍ବେବସାଇଟରୁ ପରୀକ୍ଷାର୍ଥୀମାନେ ସ୍କୋରକାର୍ଡ ଡାଉନଲୋଡ କରିପାରିବେ ।
ଜେଇଇ ମେନ୍ ସେସନ-୧ ପେପର-୧ (ବିଇ/ବିଟେକ୍) ପରୀକ୍ଷାରେ ୧୪ ଜଣ ଛାତ୍ରଛାତ୍ରୀ ଶତ ପ୍ରତିଶତ ମାର୍କ ରଖିଛନ୍ତି। ତେବେ ଏହି ୧୪ ଜଣଙ୍କ ମଧ୍ୟରେ ଓଡ଼ିଶାର କୌଣସି ଛାତ୍ରଛାତ୍ରୀ ନାହାନ୍ତି । ରାଜସ୍ଥାନର ଆୟୁଷ ସିଂଘଲ ପ୍ରଥମ ସ୍ଥାନରେ ଓ କର୍ଣ୍ଣାଟକର କୁଶାଗ୍ର ଗୁପ୍ତା ୨ୟ ସ୍ଥାନରେ ଅଛନ୍ତି । ସେସନ-୧ ପରୀକ୍ଷା ପାଇଁ ମୋଟ ୧୩ ଲକ୍ଷ ୧୧ ହଜାର ୫୪୪ ଜଣ ଛାତ୍ରଛାତ୍ରୀ ନାମ ପଞ୍ଜୀକରଣ କରିଥିଲେ। ସେଥିମଧ୍ୟରୁ ୧୨,୫୮,୧୩୬ (୯୫.୯୩ ପ୍ରତିଶତ) ଛାତ୍ରଛାତ୍ରୀ ପରୀକ୍ଷା ଦେଇଥିଲେ। ୨୦୨୫ ଜାନୁଆରି ୨୨, ୨୩, ୨୪, ୨୮ ଓ ୨୯ ତାରିଖରେ ୩୦୪ଟି ସହରରେ ଥିବା ୬୧୮ଟି ପରୀକ୍ଷା କେନ୍ଦ୍ରରେ ପେପର-୧ ପରୀକ୍ଷା ଅନୁଷ୍ଠିତ ହୋଇଥିଲା।
ଜେଇଇ ମେନ ସେସନ-୧ ପରୀକ୍ଷା ଫଳ ପ୍ରକାଶିତ
ଆଗକୁ ପଢନ୍ତୁ
