ନରସିଂହପୁର : ୨୦୧୬ ନରସିଂହପୁର ଥାନା ହାଜତ ମୃତ୍ୟୁ ଘଟଣାରେ ୬ ଜଣ ଅବସରପ୍ରାପ୍ତ ପୋଲିସ କର୍ମଚାରୀ ଗିରଫ। ଗିରଫ ପୋଲିସ କର୍ମଚାରୀମାନେ ହେଲେ ଅବସରପ୍ରାପ୍ତ ଏଏସଆଇ ଭଗବାନ ସାହୁ, ଅବସରପ୍ରାପ୍ତ ହାବିଲଦାର ପ୍ରମୋଦ କୁମାର ପାତ୍ର, ହୋମ ଗାର୍ଡ ଯୋଗୀନାଥ ନାୟକ, ଭିକାରୀ ନାୟକ, ଭ୍ରମର ରଣା, ମହେଶ୍ବର ଦେବତା ।
ଗିରଫ ପରେ ସମସ୍ତଙ୍କୁ କୋର୍ଟ ଚାଲାଣ କରାଯାଇଥିଲା, ପରେ ଜାମିନ ନାଂଜୁର ହେବାରୁ ସମସ୍ତଙ୍କୁ ବିଚାର ବିଭାଗୀୟ ହାଜତକୁ ପଠାଇଛନ୍ତି । ସୂଚନା ଅନୁସାରେ ଏକ ପାରିବାରିକ ମାମଲାକୁ କେନ୍ଦ୍ର କରି ମାଳିସାହି ଗାଁର ସରୋଜ ସେନାପତିଙ୍କୁ ବିରୋଧରେ ଅଭିଯୋଗ ଆଣିଥିଲେ । ସରୋଜ ଙ୍କୁ ଥାନାକୁ ଆଣି ପଚରା ଉଚରା କରିବାବେଳେ, ପୋଲିସ ତାଙ୍କୁ ଅକଥନୀୟ ନିର୍ଯାତନା ଦେଇଥିଲା ।
ଫଳରେ ହାଜତ ଭିତରେ ହିଁ ସରୋଜଙ୍କ ମୃତ୍ୟୁ ହୋଇଥିଲା । ଏନେଇ ଥାନା ରେ ଧାରା- ୪୪୮,୩୪୨, ୩୪୧, ୩୨୩, ୫୦୬, ୩୦୨, ୩୪ ଅନୁଯାୟୀ ଆଇପିସି ରେ ମାମଲା ରୁଜୁ ହୋଇଥିଲା। ଜାତୀୟ ମାନବାଧିକାର କମିଶନ ଙ୍କ ନିର୍ଦ୍ଦେଶରେ ପୋଲିସ ଅଧିକାରୀ ନିରଞ୍ଜନ ଶବର ମାମଲାର ପରିଚାଳନା କରୁଥିଲେ ।
