ଭୁବନେଶ୍ବର : କନିଷ୍ଠ ଇଞ୍ଜିନିୟର(ଜେଇ) ପଦ ପାଇଁ ବିଟେକ୍ ଡିଗ୍ରୀଧାରୀ ଇଞ୍ଜିନିୟର ଆବେଦନ କରିପାରିବେ ନାହିଁ । ଏହି ପଦବୀ ପାଇଁ କେବଳ ଡିପ୍ଲୋମା ଇଞ୍ଜିନିୟର ଛାତ୍ରଛାତ୍ରୀ ଆବେଦନ କରିପାରିବେ । ହୋଇକୋର୍ଟର ଜଣିକିଆ ବିଚାରପତି ଦେଇଥିବା ରାୟକୁ ଦୁଇଜଣିଆ ବିଚାରପତିଙ୍କୁ ନେଇ ଗଠିତ ଖଣ୍ଡପୀଠ ମଧ୍ୟ କାୟମ ରଖିଛନ୍ତି । ତେବେ ଡିପ୍ଲୋମାଧାରୀଙ୍କୁ ଆଶ୍ବସ୍ତି ପ୍ରଦାନ କରିଛି ହାଇକୋର୍ଟଙ୍କ ଆଦେଶ । ପ୍ରକାଶଥାଉକି, 2024 ମସିହାରେ 1 ହଜାରରୁ ଅଧିକ କନିଷ୍ଠ ଇଞ୍ଜିନିୟର ପଦରେ ନିଯୁକ୍ତି ନିମନ୍ତେ ବିଜ୍ଞପ୍ତି ପ୍ରକାଶ ପାଇଥିଲା । ତେବେ ଏଥିପାଇଁ କେବଳ ଡିପ୍ଲୋମାଧାରୀମାନେ ଆବେଦନ କରିପାରିବେ ବୋଲି କୁହାଯାଇଥିଲା ।
ଏହାକୁ ଚାଲେଞ୍ଜ କରି ବିଟେକ୍ ଡିଗ୍ରୀଧାରୀମାନେ ଆବେଦନ କରିପାରିବେ ବୋଲି କହିଥିଲେ । ତେବେ ଡିପ୍ଲୋମା ଠାରୁ ବିଟେକ୍ ଛାତ୍ରଛାତ୍ରୀଙ୍କ ଶିକ୍ଷାଗତ ଯୋଗ୍ୟତା ଅଧିକ ରହିଥିବା ବେଳେ ସେମାନଙ୍କୁ ଆବେଦନ କରିବାକୁ ଅନୁମତି ମିଳୁ ବୋଲି କହିଥିଲେ ।ତେବେ ପ୍ରଥମେ ଆବେଦନକାରୀଙ୍କୁ ଅନୁମତି ଦେଇଥିଲେ । ଏହି ମାମଲାରେ ଡିପ୍ଲୋମାଧାରୀମାନେ ମିସକେସ୍ ରୁଜୁ କରିଥିଲେ । ଜଣିକିଆ ବିଚାରପତିଙ୍କ ଆଦେଶକୁ ଚାଲେଞ୍ଜ କରି ଏକାଧୀକ ଡିଗ୍ରୀଧାରୀ ହାଇକୋର୍ଟକୁ ରିଟ୍ ଅପିଲରେ ଆସିଥିଲେ । ତେବେ ଦୁଇଜଣିଆ ଖଣ୍ଡପୀଠ ମଧ୍ୟ ଏହି ଆଦେଶକୁ କାୟମ ରଖିଛନ୍ତି ।
