କେନ୍ଦୁଝର : ଜେଲ୍ ଗଲେ ଜେଲ୍ ୱାର୍ଡେନ୍ । ବନ୍ଧା ହୋଇ ଜେଲ୍ ଗଲେ କେନ୍ଦୁଝର ଜିଲ୍ଲା କାରାଗାରର ୱାର୍ଡେନ ଆଲୋକ ଧଡ଼ା । ଗତ ୨୨ ତାରିଖରେ ରାତି ଡ୍ୟୁଟି କରୁଥିବା ବେଳେ ତାଙ୍କ ବ୍ୟାଗ୍ ଭିତରୁ ଗଞ୍ଜେଇ ଜବତ ହୋଇଥିଲା । ଦୀର୍ଘ ୯ ଦିନ ପରେ ଗତକାଲି ଜେଲ ଅଧିକ୍ଷକ ଉପେନ୍ଦ୍ର ଜେନା ଟାଉନ ଥାନାରେ ଏଫଆଇଆର କରିବା ପରେ ପୋଲିସ୍ କାର୍ଯ୍ୟାନୁଷ୍ଠାନ ନେଇଛି । ୱାର୍ଡେନଙ୍କୁ ଗତକାଲି ରାତିରେ ଗିରଫ କରି ଆଜି କୋର୍ଟ ଚାଲାଣ କରିଛି ।
ତେବେ ଏ ନେଇ ପୋଲିସ କିମ୍ବା ଜେଲ୍ ଅଧୀକ୍ଷକଙ୍କ ପ୍ରତିକ୍ରିୟା ମିଳିପାରି ନାହିଁ । ଏହି ଘଟଣାରେ ସେ ଗିରଫ ହୋଇ ଜେଲ ଯାଇଛନ୍ତି । ତେବେ ଏ ନେଇ ଜେଲ୍ ଅଧିକ୍ଷକଙ୍କ ପ୍ରତିକ୍ରିୟା ମିଳିପାରି ନାହିଁ । ଜିଲ୍ଲା କାରାଗାରରେ ଗଞ୍ଜେଇ କାରବାର ନେଇ କେନ୍ଦୁଝର ଜିଲ୍ଲାର ବୁଦ୍ଧିଜୀବୀମାନଙ୍କ ମଧ୍ୟରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । ଜିଲ୍ଲା କାରାଗାରକୁ ଗଞ୍ଜେଇ ଏବଂ ଅନ୍ୟାନ୍ୟ ମାଦକ ଦବ୍ୟ ବିଭିନ୍ନ ସମୟରେ ଚାଲାଣ ହେଉଥିବା ଅଭିଯୋଗ ହୋଇଛି।
