ଟାଇମ୍ସ ଅଫ୍ ଇଣ୍ଡିଆ ରଥଯାତ୍ରା ପ୍ରତିଯୋଗିତାର ରିଡର୍ସ ଚଏସ୍ ବିଭାଗରେ କିସ୍ ଶ୍ରୀବାଣୀକ୍ଷେତ୍ର ରଥଯାତ୍ରା ଶ୍ରେଷ୍ଠ ବିବେଚିତ ହୋଇ ପୁରସ୍କୃତ ହୋଇଛି । ପ୍ରତିବର୍ଷ ଟାଇମ୍ ସ ଅଫ୍ ଇଣ୍ଡିଆ ଭୁବନେଶ୍ୱର ସଂସ୍କରଣ ପକ୍ଷରୁ ଭୁବନେଶ୍ୱରରେ ଅନୁଷ୍ଠିତ ହେଉଥିବା ବିଭିନ୍ନ ରଥଯାତ୍ରାକୁ ନେଇ ପ୍ରତିଯୋଗିତା କରାଯାଇଥାଏ ।
ରଥରେ ସାଜସଜ୍ଜା, ପରମ୍ପରା, ସଂସ୍କୃତି ଓ ରଥଯାତ୍ରାରେ ସାଧାରଣ ଜନତାଙ୍କ ସଂପୃକ୍ତିକୁ ନେଇ ଏହି ପ୍ରତିଯୋଗିତା କରାଯାଇଥାଏ । ଲଗାତର ଭାବେ ୩ବର୍ଷ ଧରି କିସ୍ ଶ୍ରୀବାଣୀକ୍ଷେତ୍ର ରଥଯାତ୍ରା ରିଡର୍ସ ଚଏସ୍ ବିଭାଗରେ ଶ୍ରେଷ୍ଠ ବିବେଚିତ ହୋଇଆସୁଛି ।
ଟାଇମ୍ ଅଫ୍ ପକ୍ଷରୁ ଶନିବାର ଆୟୋଜିତ ଏକ ସ୍ୱତନ୍ତ୍ର ଉତ୍ସବରେ ଶ୍ରୀବାଣୀକ୍ଷେତ୍ର ଜଗନ୍ନାଥ ମନ୍ଦିର ପକ୍ଷରୁ ମନ୍ଦିର ମୁଖ୍ୟ ପରିଚାଳକ ରବୀନ୍ଦ୍ର ନାଥ ବିଶ୍ୱାଳ ଏବଂ କିଟ୍ ଲୋକସମ୍ପର୍କ ଉପନିର୍ଦ୍ଦେଶକ ରତ୍ନାକର ପତି ଏହି ପୁରସ୍କାର ଗ୍ରହଣ କରିଥିଲେ ।
