ସ୍କ୍ରବିଂ ଏକ ସ୍କିନ୍ କେୟାର ରୁଟିନ ଯାହା ତ୍ୱଚାରୁ ଟ୍ୟାନ୍, କଳାଦାଗ ଏବଂ ମଇଳା ଦୂର କରିବାରେ ପ୍ରଭାବଶାଳୀ । ଏହା ତ୍ୱଚାକୁ ସଫା ଏବଂ ସତେଜ ଅନୁଭବ କରାଏ । ଆପଣ ଘରେ ସହଜରେ କିଛି ଘରୋଇ ସ୍କ୍ରବ୍ ତିଆରି କରିପାରିବେ । ତେବେ ଆସନ୍ତୁ ଜାଣିବା ଘରୋଇଜିନିଷରେ ଏହାକୁ କିପରି ତିଆରି କରିବେ?
କଫି ଫେସ୍ ସ୍କ୍ରବ୍ : କଫିରେ ଥିବା କ୍ୟାଫିନ୍ ରକ୍ତ ସଞ୍ଚାଳନକୁ ଉନ୍ନତ କରିଥାଏ, ଯାହା ତ୍ୱଚାର ଚମକ ବୃଦ୍ଧି କରିବାରେ ସହାୟକ ହୋଇଥାଏ । ସ୍କ୍ରବ୍ ତିଆରି କରିବା ପାଇଁ, ତିନି ଚାମଚ ଗ୍ରାଇଣ୍ଡ ହୋଇଥିବା କଫି ଏବଂ ଅଧ କପ୍ ଦହି ବ୍ୟବହାର କରି ଏକ ପେଷ୍ଟ ପ୍ରସ୍ତୁତ କରନ୍ତୁ । ଏହାକୁ ଭଲ ଭାବରେ ମିଶ୍ରଣ କରନ୍ତୁ ଏବଂ ଏଥିରେ ମହୁ ମିଶାନ୍ତୁ । ଏହି ମିଶ୍ରଣକୁ ଆପଣଙ୍କ ମୁହଁରେ ଲଗାନ୍ତୁ ଏବଂ ୧୦ ମିନିଟ୍ ପାଇଁ ମୁହଁକୁ ସ୍କ୍ରବ୍ କରିବା ଆରମ୍ଭ କରନ୍ତୁ । ଏହାପରେ ଆପଣଙ୍କ ମୁହଁକୁ ଥଣ୍ଡା ପାଣିରେ ଧୋଇ ଦିଅନ୍ତୁ ଏବଂ ଶେଷରେ ମଇଶ୍ଚରାଇଜର କିମ୍ବା ଥଣ୍ଡା ଆଲୋଭେରା ଜେଲ୍ ଲଗାନ୍ତୁ ।
ନଡ଼ିଆ ଏବଂ ବାଦାମ ଫେସ୍ ସ୍କ୍ରବ୍ : ଏହି ପ୍ରାକୃତିକ ଫେସ୍ ସ୍କ୍ରବ୍ ମାସ୍କ ଏକ ଏକ୍ସଫୋଲିଏଟର୍ ଯାହା ମୁହଁର ପୋର୍ସ ଏବଂ ସେଲୁଲାଇଟ୍ ହ୍ରାସ କରେ । ଏହାକୁ ତିଆରି କରିବା ପାଇଁ, ୨ କପ୍ ଧଳା ମାଟି, ୪ ଚାମଚ ପେଷା ବାଦାମ ଏବଂ ଦୁଇ ଚାମଚ ପେଷା ହୋଇଥିବା ଗୋଲାପ ପାଖୁଡା ନେଇ ମିଶ୍ରଣ କରନ୍ତୁ । ଏବେ ସେହି ମିଶ୍ରଣରେ ଗୋଟିଏ କପ୍ ନଡ଼ିଆ ତେଲ ମିଶାଇ ଏକ ପେଷ୍ଟ ପ୍ରସ୍ତୁତ କରନ୍ତୁ । ଏହାକୁ ୧୦ ମିନିଟ୍ ପାଇଁ ଲଗାନ୍ତୁ ଏବଂ ଏକ ଚମକଦାର ତ୍ୱଚା ପାଆନ୍ତୁ ।
ମହୁ, ଲେମ୍ବୁ ଏବଂ ଚିନି ଫେସ୍ ସ୍କ୍ରବ୍ : ଏହି ଟ୍ୟାନ୍ ରିମୁଭାଲ୍ ସ୍କ୍ରବ୍ରେ ଅନେକ ପ୍ରାକୃତିକ ଏକ୍ସଫୋଲିଆଣ୍ଟ୍ ଅଛି ଯାହା ସ୍କିନରୁ ଡେଡ୍ ସ୍କିନ୍ ସେଲସଗୁଡ଼ିକୁ ଦୂର କରିଥାଏ । ଲେମ୍ବୁ କଳାଦାଗ, ବ୍ରଣ ଏବଂ ପିଗ୍ମେଣ୍ଟେସନ୍କୁ ସଫା କରିଥାଏ, ଯେତେବେଳେ ମହୁ ଏକ ମଇଶ୍ଚରାଇଜର ଭାବରେ କାର୍ଯ୍ୟ କରିଥାଏ । ୧ କପ୍ ଚିନି ଏବଂ ୧ କପ୍ ନଡ଼ିଆ ତେଲ ନିଅନ୍ତୁ । ୧ ଚାମଚ ମହୁ ମିଶାନ୍ତୁ ଏବଂ ଏଥିରେ ଗୋଟିଏ ଲେମ୍ବୁ ରସ ଚିପୁଡ଼ି ଦିଅନ୍ତୁ । ଏବେ ଏକ ପେଷ୍ଟ ତିଆରି କରନ୍ତୁ ଏବଂ ଏହାକୁ ମୁହଁରେ ଲଗାନ୍ତୁ । କିଛି ମିନିଟ୍ ପାଇଁ ସ୍କ୍ରବ୍ କରନ୍ତୁ ଏବଂ ତା’ପରେ ଥଣ୍ଡା ପାଣିରେ ଧୋଇ ଦିଅନ୍ତୁ ।
ମହୁ ଏବଂ ଡାଲଚିନି ସ୍କ୍ରବ୍ : ମହୁ ଏବଂ ଡାଲଚିନିର ମିଶ୍ରଣ ଚର୍ମ ଜଳନ ହେଉଥିଲେ ଏହାକୁ ଶାନ୍ତ କରେ, ଟ୍ୟାନିଂ ଦୂର କରେ ଏବଂ ବ୍ରଣ ହ୍ରାସ କରେ । ୩ ଚାମଚ ମହୁ ଏବଂ ୧ ଚାମଚ ଡାଲଚିନି ପାଉଡର ନିଅନ୍ତୁ । ଏହି ମିଶ୍ରଣକୁ ଆପଣଙ୍କ ମୁହଁରେ ଲଗାନ୍ତୁ ଏବଂ ଚର୍ମକୁ ଧୀରେ ଧୀରେ ଘଷନ୍ତୁ । ଥଣ୍ଡା ପାଣିରେ ସ୍କ୍ରବ୍ ଧୋଇ ଦିଅନ୍ତୁ ଏବଂ ତାପରେ ଏକ ମଇଶ୍ଚରାଇଜର ଲଗାନ୍ତୁ ।
