କଟକ : କଟକ ତ୍ରିଶୁଳିଆ ସୁବାସ ସେତୁ ଉପରେ ରହସ୍ୟମୟ କାର୍ ଠାବ କଲା ପୋଲିସ୍ । ସନ୍ଦେହଜନକ ଅବସ୍ଥାରେ ଆଜି ଭୋର ସମୟରେ କାର ଦୁଇଟି ଭଙ୍ଗା ରୁଜା ଅବସ୍ଥାରେ ଛିଡ଼ା ହୋଇଥିଲା । ପାଟ୍ରୋଲିଂ କରୁଥିବା ବେଳେ ବ୍ରିଜ ଉପରେ କାର ଦୁଇଟି ଦେଖିଥିଲା କଟକ ମର୍କତ ନଗର ଥାନା ପୋଲିସ । କାର୍ ଛାଡ଼ି ଆରୋହୀମାନେ ଫେରାର ହୋଇ ଯାଇଥିବା ସନ୍ଦେହ କରାଯାଉଛି ।
Police found Mysterious car on Trishuliya Suvas BridgeMysterious carଏହା ଏକ ଦୁର୍ଘଟଣା ନା ଗୋଷ୍ଠୀ ସଂଘର୍ଷ ସେ ନେଇ ତଦନ୍ତ କରୁଛି ପୋଲିସ । କାର୍ ମାଲିକଙ୍କ ସମ୍ପର୍କରେ ତଥ୍ୟ ଖୋଜୁଛି ପୋଲିସ । ସେପଟେ ଗତକାଲି ବିଳମ୍ବିତ ରାତିରେ ଏକ ଗୋରୁ ବୋଝେଇ ମିନି ଟ୍ରକ୍ ଜବତ୍ କରିଛି ବାରଙ୍ଗ ଥାନା ପୋଲିସ । ବେଆଇନ ଗୋ ଚାଲାଣ ଅଭିଯୋଗରେ ଦୁଇ ଜଣଙ୍କୁ ଅଟକ ରଖାଯାଇଛି । କାର ଭଙ୍ଗାରୁଜା ଘଟଣା ସହିତ ଏହି ଗୋ ଚାଲାଣର ଲିଙ୍କ ଅନୁମାନ କରାଯାଉଛି । ତେବେ ଏ ନେଇ କମିଶନରେଟ ପୋଲିସ ପକ୍ଷରୁ କୌଣସି ସ୍ପଷ୍ଟ ସୂଚନା ଦିଆଯାଇ ନାହିଁ ।
