ନୂଆଦିଲ୍ଲୀ : ଦିଲ୍ଲୀ ମହାନଗର ନିଗମ(ଏମସିଡି)ର ୧୨ଟି ୱାର୍ଡରେ ଉପନିର୍ବାଚନ ପାଇଁ ଆଜି ମତଦାନ ହେଉଛି । ସକାଳ ୭:୩୦ ରୁ ମତଦାନ ଆରମ୍ଭ ହୋଇଛି । ଦିଲ୍ଲୀ ରାଜ୍ୟ ନିର୍ବାଚନ କମିଶନଙ୍କ ଅନୁଯାୟୀ, ୧୨ଟି ୱାର୍ଡରେ ୧୪୩ଟି ମତଦାନ କେନ୍ଦ୍ରରେ ଥିବା ୫୮୦ଟି ବୁଥରେ ମତଦାନ ହେଉଛି । ମତଦାନ ସନ୍ଧ୍ୟା ୫:୩୦ ପର୍ଯ୍ୟନ୍ତ ଚାଲିବ ବୋଲି ସୂଚନା ରହିଛି । ଏମସିଡିର ମୁଣ୍ଡକା (ସାଧାରଣ), ଶାଲିମାର ବାଗ-ବି (ମହିଳା), ଅଶୋକ ବିହାର (ମହିଳା), ଚାନ୍ଦିନୀ ଚୌକ (ସାଧାରଣ), ଚାନ୍ଦିନୀ ମହଲ (ସାଧାରଣ), ଦ୍ୱାରକା-ବି (ମହିଳା), ଦିଚାଓଁକଲାନ (ମହିଳା), ନରୈନା (ସାଧାରଣ), ସଙ୍ଗମ ବିହାର-ଏ (ସାଧାରଣ), ଦକ୍ଷିଣପୁରୀ (ଅନୁସୂଚିତ ଜାତି) ଗ୍ରେଟର କୈଳାସ (ମହିଳା), ଏବଂ ବିନୋଦ ନଗର (ସାଧାରଣ) ୱାର୍ଡରେ ମତଦାନ ଚାଲିଛି ।
ଉପନିର୍ବାଚନରେ ୫୧ ଜଣ ପ୍ରାର୍ଥୀ ନିର୍ବାଚନ ମଇଦାନରେ ଅଛନ୍ତି। ଫଳାଫଳ ଡିସେମ୍ବର ୩ ରେ ଘୋଷଣା କରାଯିବ। ଚଳିତ ବର୍ଷ ପ୍ରାରମ୍ଭରେ ବିଧାନସଭା ନିର୍ବାଚନରେ ଭାରତୀୟ ଜନତା ପାର୍ଟିର ଦୃଢ଼ ପ୍ରଦର୍ଶନ ପରେ ଏହି ନିର୍ବାଚନ ଭୋଟରଙ୍କ ପସନ୍ଦକୁ ସୂଚାଇବ ବୋଲି ଆଶା କରାଯାଉଛି।
